Pa December 4, 2020, ŵabali 26 na ŵadumbu ŵaŵiri awo ŵakajalirika mu jele chifukwa cha chipulikano chawo, ŵali kuŵafumiska mu jele. Ŵabali na ŵadumbu aŵa ŵakakhala mu jele vyaka vya pakati pa 5 na 26. Wose ŵakulutilira kugomezgeka kwa Yehova Chiuta. Pakuti tose ndise banja limoza la pa charu chose chapasi, tili ŵakukondwa chomene na nkhani iyi. Ndipo tilutilirenge kulombera ŵabali na ŵadumbu ŵithu 24 awo ŵachali mu jele ku Eritrea.—Milimo 12:5.