Pa Sabata, June 21, 2020, Baibolo lakunozgekaso la Mang’anamuliro gha Charu Chiphya likafumiskika mu Chigeorgia pa ungano wapadera uwo ukachitika kwizira pa pulogiramu ya pa kompyuta. Mubali Geoffrey Jackson, uyo ngwa mu Wupu Wakulongozga, ndiyo wakadumba nkhani iyo ŵakajambulirathu ya kufumiska Baibolo ili. Ŵanthu 19,521 ŵakajoyina ku pulogiramu iyi. Baibolo lakunozgekaso la pa intaneti likaŵikika nyengo yeneyiyo pa jw.org kuti ŵanthu ŵachite dawunilodi.

Baibolo lakunozgekaso la mu Chigeorgia ili likatora vyaka vinayi kuti limare kung’anamurika. Yumoza wa awo ŵakang’anamurako Baibolo ili wakati, “Para Baibolo lang’anamurika mu mazgu ghapusu, vikusuzga yayi kuti ŵanthu ŵa misinkhu yose ŵalipulikiske, ntheura nili na chigomezgo chose kuti ŵanthu ŵamukondwa nalo chomene para ŵakusambira pamoza nga mbumba.”

Munyakeso uyo wakang’amurako wakati, “Chilato chithu chikaŵa chakuti ŵanthu wose kwali mbakusambira chomene panji yayi ŵapulikiske mwambura kusuzga ivyo ŵakuŵerenga.”

Tili na chigomezgo chose kuti ŵanthu wose awo ŵamugwiliskira ntchito Baibolo lakung’amurika makora kweniso lambura kusuzga kulipulikiska ili, ŵamukondwa nalo ndipo ŵamuwonga chomene Yehova chifukwa cha chitemwa chake.—Yakobe 1:17.