Pa December 31, 2019, nyumba pafupifupi 100 za ŵabali na ŵadumbu ŵithu zikanangika na maji ghakusefukira ku jarkata, Indonesia, ndipo zinyake mwa nyumba izi zikabira chomene na maji ghakusefukira agha.

Palije yumoza wa ŵabali ŵithu uyo wakapwetekeka panji kufwa. Ŵanandi mwa ŵabali aŵa, ŵakasama ku malo agha apo ŵanyake ŵakalutilira kukhala mu nyumba zawo. Kweniso nyumba zinyake izo ŵakasoperangamo nazo zikanangika pachoko waka. Ŵabali ŵalara ŵanozga vyakuti ŵapeleke vyakukhumbikwa nga ni maji na chakurya ku ŵabali na ŵadumbu. Kweniso ŵalaŵiliri ŵadera ŵakaluta ku malo agha kuti ŵakapembuzge ŵabali na fundo za mu Malemba. Papangika Makomiti ghaŵiri ghakovwira pa nyengo ya soka, ndipo ghakuwona nthowa zinyake za umo ghangawovwilira ŵabali aŵa.

Ŵabali ŵithu ŵakaleka yayi kuwungana pamoza panyengo yakusuzga iyi, nangauli ŵanyake ŵakajumphanga ku malo agho kwasefukira maji kuti ŵakasangikepo pa maungano gha mukati mwa sabata. Mubali Daniel Purnomo wa mu Komiti ya Munthavi ku Indonesia wakati: “Nangauli panyengo iyi maji ghakasefukira chomene kuluska vyaka vichoko waka ivyo vyajumpha, kweni ŵabali ŵithu ŵakagongowa yayi, ŵakalutilira kovwirana na kulongorana chitemwa chanadi.”

Tikulindilira nyengo yakukondweska iyo tizamusuzgikaso yayi na masoka gha chilengiwa.—Mariko 4:39.