Kwambira waka pa October 7, 2023, ku charu cha Israel na Gaza kuli nkhondo yakofya chomene. Ŵanthu masauzandi ghanandi ŵali kuchichizgika kuchimbira mu nyumba zawo. Malipoti ghakulongora kuti ŵanthu pafupifupi 4,200 ŵakomeka kale chifukwa cha nkhondo iyi.

• Palije mubali panji mudumbu withu uyo wali kukomeka panji kupwetekeka

• Ŵapharazgi 93 ŵali kusamuka mu nyumba zawo

• Nyumba zitatu zili kunangika pachoko waka

• Palije Nyumba ya Ufumu iyo yili kunangika

• Ŵalaŵiliri ŵadera na ŵalara ŵakovwira ŵabali na ŵadumbu mwauzimu kweniso kupeleka wovwiri wakwenelera ku awo ŵakhwaskika na nkhondo iyi

• Komiti Yakovwira Para Kwachitika Soka yili kuŵikika kuti yilaŵilirenge ntchito yakupeleka wovwiri

Ŵabali na ŵadumbu withu ku malo agha ŵakulutilira kuŵikapo mtima kuchita vinthu vyauzimu mwakuchita maungano kwizira pa videoconference. Mulaŵiliri wadera munyake wakayowoya kuti: “Nangauli vinthu vikulutilira kuhenipira zuŵa na zuŵa, kweni ntchakukhozga kuwona kuti ŵabali na ŵadumbu ŵali na chipulikano chakukhora kweniso kuwona kuti ŵakutemwana yumoza na munyake.”

Tikulindilira mwakunweka nyengo apo ivyo Baibolo likuyowoya vizamufiskika vyakuti Chiuta wazamulekeska “nkhondo pa charu chose chapasi.”​—Salimo 46:9.