Vigaŵa vya ku Israel na Palestine

• Pa May 10, 2021, mu vigaŵa vya Israel na Palestine, mukamba kuchitika viwawa ivyo vyapangiska kuti ŵanthu ŵanandi ŵakomeke

• Viwawa ivi vyapangiskaso kuti katundu munandi wasakazike mu matawuni gha ku Israeli agho mukukhala Ŵayuda na Ŵaruya

• Palije uyo wapwetekekapo pa ŵapharazgi ŵakujumpha 2,000 awo ŵakukhala mu vigaŵa vya Israel na Palestine

• Ŵapharazgi 73 ŵakasamuka dankha, kusazgapo ŵateŵeti ŵanyengozose 15 awo ŵakukhala mu vigaŵa ivi. Ŵateŵeti ŵa pa Beteli 13, ŵakakhalanga dankha na ŵanyawo mu vipinda ivyo bomba lingasakaza yayi

• Nyumba 6 zikanangika pachoko waka

• Komiti Yakovwira Para Kwachitika Soka yikulaŵilira ntchito yakupeleka wovwiri ndipo yikugwira ntchito lumoza na ŵalaŵiliri ŵadera kweniso ŵalara

• Ŵalaŵiliri ŵadera pamoza na ŵalara ŵakupeleka wovwiri wauzimu ku ŵapharazgi

• Ntchito yose yakupeleka wovwiri yikuchitika mwakulondezga malango agho ghali kuŵikika chifukwa cha muliri wa COVID-19

Chifukwa chakuti vinthu vyauzimu pasono vikuchitika kwizira pa videoconference, maungano ghakulutilira kuchitika kwambura chakutimbanizga chilichose. Pa May 15, ŵabali na ŵadumbu ŵakafiska kuwonelera ungano wadera kwizira pa JW Stream–Studio. Chigaŵa cha mise cha ungano uwu chikatimbanizgika katatu na chenjezgo ilo ŵamazaza ŵakapelekanga ku ŵanthu. Chenjezgo ili likapanga mwaŵi ŵabali ŵithu kuti ŵakabisame dankha pa malo ghakuvikilirika, nga mpha masitepu panji mukachipinda ako bomba linganjira yayi. Nangauli kukaŵa viwawa, kweni ŵapharazgi 804 ŵakajoyina ku ungano uwu, uwo ukaŵa mu Chihebere. Ŵapharazgi ŵanyake 297 ŵakajoyina ku ungano wa mu Chitagalog. Pa May 22, mipingo 5 ya chiyowoyero cha Chiarabic mu vigaŵa vya Israel na Palestine yizamuchita ungano wawo wa dera.

Ŵabali na ŵadumbu ŵithu awo ŵakhwaskika na viwawa ivi ŵakulutilira kugomezga Yehova kuti ndiyo waŵe chiphokwero chawo.—Salimo 91:1, 2, 5.