Pa June 20, 2021, Mubali Robert Batko, wa mu Komiti ya Munthavi ya Central America, wakafumiska Baibolo la Malemba Ghakupatulika mu Mang’anamuliro gha Charu Chiphya Mateyu-Uvumbuzi, mu Chichol. Baibolo ili likafumiskika la pa intaneti mu pulogiramu iyo yikajambulikirathu ndipo ŵanthu pafupifupi 800 ŵakachita waka kuwonelera.

• Chichol chikuyowoyeka chomene ku chigaŵa cha Chiapas, kumwera cha kumafumiro gha dazi kwa Mexico

• Ŵanthu pafupifupi 200,000 ŵakuyowoya Chichol

• Ŵapharazgi ŵakujumpha 500 ŵakuteŵetera mu mipingo 22, kweniso magulu ghaŵiri gha chiyowoyero ichi

• Ŵanthu ŵatatu ndiwo ŵakagwira ntchito yakung’anamura Baibolo ili kwa myezi 27

Mubali uyo wakachitako mulimo wakung’anamura wakati: “Mu Baibolo ili muli mazgu ghapusu agho tikughayowoya zuŵa lililose. Nkhukondwa chomene para nkhuŵazga chaputara chilichose.”

Mubali munyake wakati: “Nkhufiska kuŵazga Baibolo la Chisipanishi, kweni para nkhuŵazga Baibolo la Chichol, icho ntchiyowoyero chane chakonkhera, vikunifika pamtima chomene. Nkhuŵa nga kuti nkhurya chakurya icho ŵaphika ku nyumba kwithu.”

Tikumanya kuti Baibolo ili liwovwirenge ŵabali na ŵadumbu ŵithu awo ŵakuyowoya chiyowoyero cha Chichol kupenja ‘usambazi wakubisika’ wa mu Mazgu gha Chiuta, Baibolo.—Zintharika 2:4, 5.