Pa June 5, 2022, Mubali Edward Bunn, uyo ngwa mu Komiti ya Munthavi ya Central America, wakafumiska Baibolo la Mang’anamuliro gha Charu Chiphya, Mateyu-Uvumbuzi mu Chinahuatl (Northern Puebla) la pa intaneti na lakuchita kupulinta. Ŵanthu ŵakujumpha 1,500 ŵakawonelera pulogiramu ya kufumiska Baibolo ili, iyo yikachita kujambulikirathu.

Ŵanthu ŵanandi awo ŵakuyowoya Chinahuatl (Northern Puebla) ŵakukhala mu misumba ya ku Mexico, wa Puebla na Veracruz. Mipingo yakwambilira ya chiyowoyero ichi yikapangika mu 2002. Ŵapharazgi ŵa chiyowoyero ichi ŵakathembanga waka Baibolo linyake ilo likaŵapo kweni likaŵavya zina la Yehova likaŵa waka na mazina gha vithokozo nga Fumu na Chiuta.

Mu nkhani yake, Mubali Bunn wakati: “Tikumuchiskani kuti mwambepo kuŵazga Baibolo ili sono nthena. Nakuti pasono mukwenera kuŵa na chigomezgo chose kuti mukuŵazga mazgu gha Chiuta ghakung’anamulika makora chomene mu chiyowoyero chinu cha pamtima.”

Tili na chigomezgo chose kuti Baibolo ili liwovwirenge ŵabali na ŵadumbu ŵithu awo ŵakuyowoya Chinahuatl (Northern Puebla) apo ŵakupharazga makani ghawemi gha Ufumu wa Chiuta.—Mariko 13:10.