Pa October 25, 2023, Chimphepo cha Hurricane Otis chikananga vinthu kumanjiliro gha zuŵa kwa Mexico kufupi na msumba wa Acapulco ku Mexico uko ŵanthu ŵakutemwa kulutako kukawona malo. Chimphepo chankhongono ichi chikakungana luŵiro chomene kuluska vimphepo vinyake vya hurricane ivyo vili kuchitikapo ku chigaŵa ichi cha Pacific Ocean. Ntheura chimphepo ichi chikaŵa chankhongono chomene icho chikaputanga pa sipidi ya makilomita 265 pa ora limoza (165 mph), ndipo chikapangiska chivula chankhongono kweniso kuti maji ghatutuke. Malipoti ghakulongora kuti vinthu vinandi vyanangika nga misewu, nyumba, kweniso nthambo za magesi. Ŵanthu ŵanandi ŵalije magesi. Ŵanthu 45 ŵali kufwa.

Viŵelengero ivi vili kulembeka kutolera pa malipoti ghakwambilira ghakufuma ku ŵabali ŵa mu mipingo.

• Palije mubali panji mudumbu withu uyo wali kufwa panji kupwetekeka

• Ŵabali na ŵadumbu ŵakujumpha 10,000 ŵakukhala ku malo uko kwachitika chimphepo ichi

• Holo yimoza yakuchitiramo maungano ghakurughakuru ku Acapulco yili kunangika chomene

• Ŵalaŵiliri ŵadera na ŵalara ŵakukhozga ŵabali na ŵadumbu kweniso kupeleka wovwiri wakwenelera ku awo ŵakhwaskika

• Ŵabali 4 kufuma ku ofesi ya munthavi ya Central America ŵakaluta ku malo agha kukakhozga ŵabali na kuŵawovwira

• Komiti Yakovwira Para Kwachitika Soka yili kupangika kuti yidangilire pa ntchito yakupeleka wovwiri

Tikulomba kuti Yehova walutilire kuŵapa mtende kweniso kupembuzga ŵabali ŵithu ŵakutemweka awo ŵakhwaskika na chimphepo ichi.—Ŵafilipi 4:6, 7.