OCTOBER 6, 2022
MOZAMBIQUE
Baibolo la Mang’anamuliro gha Charu Chiphya Lafumiskika mu Chisena
Pa October 2, 2022, Mubali David Amorim, uyo ngwa mu Komiti ya Munthavi ya Mozambique, wakafumiska Baibolo la Baibolo la Mang’anamuliro gha Charu Chiphya mu Chisena. a Baibolo ili likafumiskika mu pulogiramu iyo yikajambulikirathu, ndipo ŵapharazgi ŵanandi ŵakachita kuwonelera mu Nyumba za Ufumu. Pulogiramu iyi, yikaŵikikaso pa TV na pa mawayilesi 14.
Chisena chikuyowoyeka mu vigaŵa vinayi vya ku Mozambique: Manica, Sofala, Tete, na Zambezia. Chiyowoyero ichi chikuyowoyekaso ku vigaŵa vinyake vya ku Malawi.
Ofesi yakung’anamulirako mabuku mu Chisena yili ku Beira, Mozambique
Aka nkhakwamba kuti Ŵakaboni ŵa Yehova ŵang’anamure Baibolo lose la Mang’anamuliro gha Charu Chiphya mu Chiyowoyero cha ku Mozambique. Pambere Baibolo ili lindafumiskike, mabuku ghanyake gha mu Baibolo la Chisena ghakafumiskikanga, kweni ghakaŵa ghanonono kughapulikiska chifukwa ghali na mazgu ghakale chomene.
Nase tikukondwa lumoza na ŵabali na ŵadumbu ŵithu awo ŵakuyowoya Chisena, apo ŵapokera thumbiko lakufuma kwa Yehova.—Zintharika 10:22.
a Baibolo ili lili kufumiskika lakuchita kupurinta na la pa intaneti.
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Ŵakaboni ŵa Yehova Ŵali na Baibolo Lawo?
Kuŵerenga Mabaibolo ghakupambanapambana kungamovwirani pakusambira. Pali fundo zitatu izo zikupangiska kuti Baibolo la Mang’anamuliro gha Charu Chiphya kuŵa liwemi chomene para mukusambira.
UMO VYAWANANGWA VINU VIKUGWILIRA NTCHITO
Kupanga Buku Lakuzirwa Kuluska Ghose
Pali vinandi ivyo vikunjizgikamo kuti ting’anamure Mabaibolo gha Mang’anamuliro gha Charu Chiphya, kupulinta, na kughapanga kuti ghaŵe mabuku.