Pa June 19, 2022, Mubali Patrick Hecker, uyo ngwa mu Komiti ya Munthavi ya Mozambique, wakafumiska Baibolo la Mang’anamuliro gha Charu Chiphya, Mateyu-Uvumbuzi mu Chilomwe. Baibolo ili likafumiskika la pa intaneti mu pulogiramu iyo yikajambulikirathu. Ŵapharazgi ŵanandi ŵa chiyowoyero ichi ŵakawonelera pulogiramu iyi mu Nyumba za Ufumu, ndipo paumaliro waliyose uyo wakiza wakapokera lakuchita kupulinta.

Mabaibolo gha Chilomwe ghakamba kusangika mu 1930, kweni ngakudura chomene ndipo ghali na mazgu ghakale. Nakuti fundo zinandi zikaŵaso zakubudika. Mwachiyelezgero, mu Mabaibolo agho ghakaŵapo kale, pa lemba la Luka 23:43 pali kulembeka kuti: “Nakuti, nkhukuphalira mwahuno, uzamuŵa na ine kuchanya.” Kweni Baibolo la Mang’anamuliro gha Charu Chiphya lili kung’anamulika makora kuti: “Nadi nkhukuphalira muhanya uno, iwe uzamuŵa na ine mu Paradiso.”

Pakuyowoyapo pa Baibolo ili, yumoza uyo wakang’anamurako wakati: “Baibolo la Mang’anamuliro gha Charu Chiphya, Mateyu-Uvumbuzi mu Chilomwe ndakupulikikwa makora ndipo ndipusu. Tikukayika yayi kuti ŵabali ŵamusuzgikaso yayi kuti ŵapulikiske Malemba na kuŵikapo mtima kulondezga ivyo ŵasambira.”

Tili na chigomezgo chose kuti Baibolo ili lovwirenge ŵabali na ŵadumbu ŵithu kuti ŵalutilire kukhozga ubwezi wawo na Yehova kweniso kovwira ŵanji mu uteŵeti.—Mateyu 5:3.