Chifukwa cha chivula chikuru icho chikalokwa ku Nigeria, vyapangiska kuti maji ghatutuke chomene, ndipo nkhakwamba kuti maji ghatutuke nthena. Malo agho ghakakhwaskika chomene na maji ghakututuka ni vigaŵa vya kumwera kweniso mumphepete mwa milonga ya Niger na Benue. Ngozi iyi yasakaza vinthu vinandi chomene, ŵanthu ŵakujumpha 1 miliyoni ŵakusoŵa pakukhala, ndipo ŵanthu pafupifupi 600 ŵali kufwa. Wupu wa National Emergency Management Agency ku Nigeria ukati ngozi iyi ‘njakutenthemeska chomene.’ Ŵamazaza ŵakuti mu charu muŵavyenge chakurya chakukwana chifukwa cha kututuka kwa maji uku.

• Palije ŵabali panji ŵadumbu awo ŵafwa

• Ŵapharazgi 4,074 ŵalije pakukhala

• Nyumba 900 zazura maji

• Nyumba 180 zasakazikirathu

• Nyumba za Ufumu 70 na Malo gha Ungano ghamoza vyazura maji

• Pasoleka Makomiti ghanayi Ghakovwira Para Kwachitika Soka

• Ŵapharazgi awo ŵalije pakukhala ŵapika chakurya, malo ghakukhala ghakukolerapo waka, na vinyake vyakukhumbikwira

• Ŵabali ŵalara na ŵalaŵiliri ŵa dera ŵakupanga ulendo wauliska ku ŵanthu awo ŵakhwaskika na kupeleka wovwiri wakwenelera

• Wovwiri wose ukupelekeka mwakulondezga malango agho ghali kuŵikika chifukwa cha muliri wa COVID-19

Tikuwonga chomene Yehova, chifukwa nanga ni mu nyengo zakusuzga izo tikukhalamo, wakulutilira kovwira ŵanthu ŵake mwakuthupi na mwauzimu wuwo, mwa kuŵapa ‘malo ghakujoŵamo mu zuŵa la soka.’—Salimo 27:5.