Kukwambilira kwa March 2023, chimphepo chankhongono chakuchemeka Yaku chili kunanga vinthu mumphepete mwa nyanja kumpoto kwa Peru. Pamanyuma pa mazuŵa ghaŵiri maji ghati ghatutuka kweniso charu chati chalindimuka, boma likapharazga kuti chigaŵa cha kumpoto na pakati mu charu ichi, vyakhwaskika chomene na soka ili. Maji ghakututuka ghakananga nyumba, mabuliji, na misewu ndipo ivi vikapangiska kuti chiŵe chakusuzga ku ŵanthu kuti ŵafumeko ku malo agha.

• Palije mubali panji mudumbu withu uyo wali kufwapo

• Ŵapharazgi ŵaŵiri ŵakapwetekeka

• Ŵapharazgi 106 ŵakasamuka mu nyumba zawo

• Nyumba 70 zili kunangika chomene

• Nyumba 130 zili kunangika pachoko waka

• Nyumba za Ufumu 5 zili kunangika chomene

• Nyumba za Ufumu 5 zili kunangika pachoko waka

• Ŵalaŵiliri ŵadera na ŵalara ŵakupeleka wovwiri wauzimu kweniso wovwiri wakwenelera ku awo ŵakhwaskika

• Makomiti ghatatu Ghakovwira Para Kwachitika Soka ghali kwimikika kuti ghapeleke wovwiri

Tili na chigomezgo chose kuti Yehova wakovwira ŵabali withu ku Peru kuti ‘ŵazizipizge vinthu vyose kweniso kuti ŵazikire na kuŵa na chimwemwe.’—Ŵakolose 1:11.