Kuumaliro kwa July 2024, kumanjiliro gha dazi kwa Pacific Ocean kukachitika chimphepo chikuru cha Typhoon Gaemi a. Nangauli chimphepo chikuru ichi chikachitikira ku Philippines kwenecho yayi, kweni chikapangiska kuti kulokwe vula yikuru ivyo vili kupangiska kuti vinthu vinandi vinangike, maji ghatutuke na kuwiska vinthu mu msumba wa Manila na madera ghanyake ghapafupi na msumba uwu. Ŵanthu pafupifupi 4.8 million ŵali kukhwaskika na chimphepo ichi. Ŵanthu ŵakujumpha 600,000 ŵali kuchimbira munyumba zawo ndipo ŵanthu ŵanyake 39 ŵali kufwa.

• Palije mubali panji mudumbu uyo wafwa panji kupwetekeka

• Ŵapharazgi 155 ŵakachimbiramo munyumba zawo, kweni ŵanyake ŵamba kuwelera kunyumba

• Nyumba ziŵiri zikanangikirathu

• Nyumba 11 zikanangika chomene

• Nyumba 42 zikanangika pachoko waka

• Nyumba za Ufumu 11 zili kunangika pachoko waka

• Pasoleka makomiti 6 ghakovwira pa mulimo wakupeleka wovwiri.

• Ŵalaŵiliri ŵadera na ŵalara ŵakovwira na kukhozga awo ŵakhwaskika na kututuka kwa maji

Tilutilirenge kuŵalombera wose awo ŵakhwaskika na chimphepo ichi, kuwonga Yehova pakutikhozga mu nyengo yithu yino kweniso apo wakovwira na kupwelelera ŵabali na ŵadumbu ŵithu.—Yesaya 33:6.