AUGUST 5, 2022
PHILIPPINES
Chindindindi Chasakaza Vinthu Kumpoto kwa Philippines
Pa July 27, 2022, chindindindi chankhongono chomene chikasakaza vinthu pa chilwa cha Luzon ku Philippines. Chigaŵa cha Abra ndicho chikakhwaskika chomene. Nkhongono ya chindindindi ichi yikafika m’paka ku Manila, mtunda wa makilomita pafupifupi 400. Tuvindindindi tunyake tuchokotuchoko twakujumpha 2,000 tukachitikaso.
Umo Ŵabali na Ŵadumbu Ŵithu Ŵakhwaskikira
Palije mubali panji mudumbu uyo wafwa
Ŵapharazgi ŵanayi ŵakapwetekeka pachoko waka
Mbumba 42 zikachimbira mu nyumba zawo
Nyumba 63 zikanangika pachoko waka
Nyumba yimoza yikanangika chomene
Nyumba za Ufumu 13 zikanangika
Ntchito Yakupeleka Wovwiri
Komiti Yakovwira Para Kwachitika Soka yikimikika kuti yilaŵilirenge ntchito yakupeleka wovwiri
Ŵabali ŵalara ŵakukhozga wose awo ŵakhwaskika
Ntchito yose yakupeleka wovwiri yikuchitika mwakulondezga nthowa zakujivikililira ku muliri wa COVID-19
Mwaluŵiro ofesi ya munthavi yikatumizga wovwiri ku ŵabali na ŵadumbu ŵithu awo ŵakakhwaskika na kuŵanozgera malo ghakukhala ghakukolerapo waka. Ŵabali na ŵadumbu nawoso ŵakawovwirananga nangauli ŵakakhwaskika na soka ili.
Tili na chigomezgo chose kuti Yehova waŵaponoskenge kweniso kuŵavikilira ŵabali na ŵadumbu ŵithu mu “nyengo ya suzgo.”—Salimo 50:15.