Pa December 24, 2019 chimphepo cha Phanfone, icho ku Philippines chikumanyikwaso na zina lakuti Ursula, chikananga vinthu mu chigaŵa cha Eastern Samar. Palije Kaboni wa Yehova uyo wakafwa panji kupwetekeka. Ndipouli, nyumba 464 za Ŵakaboni kweniso Nyumba za Ufumu 6 zili kunangika. Ofesi ya Munthavi ya Philippines yapanga Makomiti 5 ghakuwona vya masoka ghachilengiwa kuti ghapeleke wovwiri wauzimu na wakuthupi ku ŵabali awo ŵakhwaskika na soka ili.

Chimphepo cha Phanfone ntcha nambara 21 pa mphepo zakofya izo zikananga vinthu ku Philippines mu chaka cha 2019. Kweniso mwasonosono mu charu chenechichi mukachitika vindindindi ivyo vikananga vinthu kumwera kwa charu ichi. Ivi vyapangiska kuti makomiti 18 ghakuwona vya masoka ghachilengiwa ghapangike mu charu ichi.

Ndise ŵakukondwa kuti ŵabali ŵithu ku Philippines ŵakulutilira kuzizipizga, kuthemba Chiuta withu, Yehova, uyu “ngwachitemwa chomene ndiposo ngwalusungu.”—Yakobe 5:11.