JANUARY 27, 2022
RUSSIA

Ŵabali Ŵaŵiri Ŵakuwona Woko la Yehova Ndipo Ŵakulutilira Kuŵa Ŵachikanga

JULANI

Khoti la Kirsanovskiy ilo lili ku Chigaŵa cha Tambov lipelekenge chigamuro chake sonosono apa pa mulandu wa Mubali Anton Kuzhelkov na Nikolay Prokhorov. Uyo wakwimira boma pa milandu wachali wandapemphe chilango icho ŵangapika.

Nyengo

December 21, 2020

Ŵamazaza ŵakajulira mulandu Anton na Nikolay wakuti ŵakalongozganga milimo ya gulu ilo likuchita vinthu vyakofya
December 24, 2020

Ŵakufufuza milandu ŵakasecha nyumba 19, kusazgapo nyumba ya Anton. Anton ŵakaluta nayo ku malo ghanyake mtunda wa makilomita 350 kufuma ku nyumba yake kuti ŵakamufumbe mafumbo. Nikolay wakafumbika mafumbo na kuphalirika kuti waleke kufuma mu chigaŵa icho wakakhalanga
December 25, 2020

Anton ŵakamukanira kuti wawelere ku nyumba kwake ndipo ŵakamutuma ku jele lakusungirako ŵanthu awo mulandu wawo underuzgike
August 30, 2021

Anton wakasamuskikira ku jele linyake lakusungirako awo mulandu wawo underuzgike

Vyakukhwaskana na ŵanthu aŵa

Anton Kuzhelkov

Chaka cha kubabikira: 1993 (Sortavala, Republic of Karelia)

Mbiri yake: Ndiyo wakwamba pa ŵana ŵatatu. Apo wakaŵa muchoko, wakatemwanga kuŵeja somba, na kuseŵera mu chiwuvi. Wakasambira vyakuzenga kufuma kwa adada ŵake

Wakabatizika mu 2007. Wakatorana na Alyona mu 2015

Ivyo Wakayowoya Muwoli wa Anton, Alyona a

Kasi mukasangana na masuzgo wuli apo mukalutanga kukawona mfumu winu Anton?

Apo tikazomerezgekanga kukawonana nayo kwa kanyengo kachoko waka, kaŵiri pa mwezi nkhalutanga kukapempha kwa uyo wakafufuzanga mulandu kuti wanizomerezge. Kuchita nthena chikaŵa chipusu yayi. Kweniso kuti nizomerezgeke kunjira mu jele, nkheneranga kulongora dankha ukaboni wakuti nilije COVID-19. Kupimiska COVID-19 pa iko kwekha kukaŵanga kwakudura chomene.

Pasono ŵali kulekeska dankha kuti munthu walutenge kukaŵawona, icho ntchachitima chomene. Nakutiso pasono khoti lambapo kutegherezga mulandu wake, ndipo nane ŵali kunizomerezga kuti ningakanjira mu khoti. Kweni mulandu uwu khoti likuwutegherezgera mu msumba uwo uli pa mtunda wa makilomita 100 kufuma ku nyumba kwithu.

Ntchivichi chikumovwira mfumu winu kuti wazizipizgenge apo wali mu jele?

Malurombo ghakudunjika, ghakufumira pasi pa mtima, ndipo nyengo zinyake maŵeyelero ghakusazgikana na masozi ndivyo vikumovwira kuti wazizipizgenge. Pa chilichose icho chingiza pa umoyo wake, wakuwona woko la Yehova likumovwira. . . . Nyengo zinyake wakukhozgekaso chomene na chilengiwa. Mwachiyelezgero, kanandi para waluta kukatembeya mu maluŵaza gha jele wakuwoneseskanga tuyuni. . . . Wakughanaghanirangapo vyakukhwaskana na vinjeru vya Mlengi kweniso chiyelezgero cha Yesu cha kuyowoya vya tumpheta. . . . Vyose ivi vikumovwira kuti walutilire kuŵa wachimwemwe

Nikolay Prokhorov

Chaka cha kubabikira: 1964 (Morshan, Chigaŵa cha Tambov)

Mbiri yake: Wakagwirapo ku usilikari. Wakutemwa kushuwa na kwenda malo ghakupambanapambana

Wakatorana na Yelena mu 2008. Ŵali na mwana mwanalume na mwanakazi. Wakamba kusambira Baibolo wati wawona nkharo yiwemi iyo ŵakalongoranga Ŵakaboni ŵa Yehova. Wakabatizika mu 2008

Ivyo Wakayowoya

Kasi mphawuli apo mukuwona kuti Yehova wakamovwirani?

Nanga ni mu nyengo zakusuzga chomene, nkhuwona kuti nyengo zose Yehova wakunovwira chomene pa umoyo wane. . . . Ulendo unyake nkhasanga kuti nili waka nekha na ŵamazaza ŵa boma awo chilato chawo chikaŵa chakuti nipulikire waka na kuchita ivyo ŵaniphalirenge panji kuzomera kuti “napalamura mulandu.” . . . Nkhukumbuka nyengo yinyake nkhati chete na kughanaghanirapo usange ningazizipizga mwakugomezgeka vyose ivyo nkhajumphangamo. Nkhalomba kwa Yehova na kumupempha kuti wanipe nkhongono na mtende wa mu mtima. Wamazaza munyake wati wawona kuti nasindama mutu wane kuti nilombe, wakanifumba kuti, “So ukukhumba kulomba vichi?” nkhamuzgora kuti, “Nkhulomba kuti nileke kwamba kujilengera lusungu.” Kufuma apo nkhakumbuka lemba la Yesaya 54:17. Nkhawamo kuti palije icho ŵangachita kwa ine. Ivi vikanovwira kuti niŵe wachikanga mwakuti m’paka na ŵamazaza ŵakamanya. Paumaliro, ŵakaleka kuyezga kunofya. Ŵakafika m’paka pa kunipempha kuti nileke kuŵasungira vyakusingo.

Kasi ŵabali na ŵadumbu ŵamovwirani wuli imwe na muwoli winu?

Mpingo withu ukatovwira chomene. Nangauli ŵakaŵa pa ngozi yakuti ŵamazaza ŵa boma ŵangaŵamanya, kweni ivi vikaŵatondeska yayi kuti ŵatovwire. Kweniso ŵabali na ŵadumbu mu vigaŵa vinandi vya Russia na kunyake ŵakatiyimbira foni.

Tingati waka ŵabali ŵakakolerana kutovwira pa nyengo yakusuzga iyi. Apo khoti likategherezganga mulandu wane, ŵakizanga kuzakanikhozgera . . . Chitemwa chikuru icho ŵakalongora ŵabali na ŵadumbu aŵa chikawovwira kuchitira ukaboni ku wose awo ŵakaŵapo pakutegherezga mulandu uwu. Nkhugomezga kuti ivi vyawovwira chomene ine kweniso muwoli wane kuti tilutilire kuŵa ŵakukhora [pa nyengo yakusuzga iyi.]

Tikugomezga kuti Yehova walutilirenge kuŵapa chikanga na kuŵawovwira ŵabali na ŵadumbu ŵithu ŵakutemweka awo ŵakutambuzgika.—Zintharika 1:33.

a Mubali Kuzhelkov pasono wachali kusungika mu jele kulindilira kuti mulandu wake weruzgike. Pakaŵa pakusuzga kuti timufumbe mweneko.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI