FEBRUARY 10, 2023
RUSSIA

Ŵabali Ŵatatu Ŵakupika Mulandu ku Moscow

JULANI

Khoti la Savelovskiy ilo lili ku Chigaŵa cha Moscow lipelekenge chigamuro chake sonosono apa pa mulandu wa Mubali Roman Mareyev, Anatoliy Marunov, na Sergey Tolokonnikov. Wakwimira boma pa milandu wachali wandapemphe chilango icho ŵabali aŵa ŵangapika.

Vyakukhwaskana na ŵanthu aŵa

Roman Mareyev

Chaka cha kubabikira: 1978 (Moscow)

Mbiri yake: Wakagwiranga ntchito yakuwona vya mendero ku Moscow. Pambere wandaŵikike mu jele, wakawovwiranga chomene ŵapapi ŵake awo mbakupendera

Wakamba kusambira Baibolo ndipo wakakondwa na mauchimi gha Daniyeli. Wakabatizika na kuŵa yumoza wa Ŵakaboni ŵa Yehova mu 2002

Ivyo Wakayowoya

Kasi chikumovwirani ntchivichi kuti muwonenge vinthu mwakwenelera pa nyengo iyo muli mu jele?

Nili mu jele chifukwa cha chipulikano chane, ntheura nkhuwona kuti chinthu chakuzirwa chomene icho ningachita, nkhulumba Chiuta mwakulongora nkharo yiwemi. Ŵanyane awo nkhajalirika nawo lumoza ŵakawonanga umo nkhachitiranga vinthu na ŵanji. Lekani nkhawonanga kuzirwa kwa kumulomba Yehova zuŵa lililose kuti wanipe mzimu wake utuŵa mwakuti nichitenge vinthu mwakuyana na mikhaliro yake.

Nkhamanya kuti para wamunthu ukufipa mtima na viyezgo ivyo vindachitike kanandi vikuŵa vyakusuzga kuluska para ukujumphamo. Chakwamba tikwenera kumugomezga chomene Chiuta, ndipo iyo watikorenge na woko lake na kutilongozga makora kujumpha mu “chinkhwawu cha mdima bii.” (Salimo 23:4) Chinthu icho ine nkhwenera kuchita ntchakuti ningafumangamo yayi mu mawoko ghake. Nyengo zose Yehova wakusanga nthowa yakukhozgera chipulikano chane, lekani nili wakukondwa kweniso nili na mtende wa mu mtima.

Anatoliy Marunov

Chaka cha kubabikira: 1953 (Izmail, Ukraine)

Mbiri yake: Pambere wandapumure pa ntchito wakagwiranga ntchito yakuŵika vithuzi mu nyuzipepara

Wakatorana na Alevtina mu 1975. Ŵali na ŵana ŵaŵiri ŵanalume

Alevtina wakamba kusambira Baibolo ndipo wakabatizika mu 1994. Pakuti Anatoliy wakagwiranga ntchito ku kampani yakupanga manyuzipepara, wakakondwa wati wawona umo Ŵakaboni ŵa Yehova ŵakupulintira makora mabuku ghawo. Wakamba kukondwa chomene na mauchimi gha mu Baibolo, ndipo wakabatizika mu 1999

Ivyo Wakayowoya

Kasi mukanozgekera wuli nthambuzgo?

Ine na muwoli wane tikamanyanga kuti zuŵa linyake tizamutambuzgika. Ntheura tikaŵikangako mahara chomene para tikusanda lemba la zuŵa, kusambira nkhani yiliyose, kweniso tikategherezganga chomene ivyo vikuyowoyeka ku maungano, ndiposo vipharazgo. Tikaŵanga maso chomene na chilato chakuti tilondezgenge na mtima wose ulongozgi uwo wapelekeka.

Kasi chikumovwirani ntchivichi kuti mulutilire kuzizipizga?

Ine na mbumba yane para takumbuka ivyo Adada ŵithu ŵakuchanya ŵatichitirapo, vikutovwira kuti tileke kuthera. Ndipo nkhukondwa chomene na ivyo wali kulayizga munthazi ku wose awo ŵakumupulikira. Tikumanya kuti umaliro uli pafupi chomene. Ntheura nkhuwona kuti chingaŵa chambura mahara kuthera pa nyengo iyi, chomene para nkhughanaghanira umo Chiuta wakunovwilira.

Sergey Tolokonnikov

Chaka cha kubabikira: 1972 (Moscow)

Mbiri yake: Wakagwiranga ntchito ya ulonda

Wakatorana na Mariya mu 2004. Mariya wakamba kusambira Baibolo mu 2003. Sergey wakakondwa wati wawona umo mafumbo ghake ghakazgolekera kufuma mu Baibolo ndipo nyengo yichoko waka wakamba kusambira Baibolo. Ŵakabatizika mu 2005

Ivyo Wakayowoya muwoli wa Sergey, Mudumbu Mariya Pankova a

Kasi mukuchita wuli kuti muyowoyeskane na mfumu winu?

Tikuyowoyeskana chomene kwizira mu makalata. Mu makalata ghake wakulembamo mavesi na nkhani zakupambanapambana za mu Baibolo. Wakunitumira makadi kweniso vithuzi ivyo wakujambura ndipo vinthu ivi vikunovwira kuti niŵe wakukondwa. Sonosono apa, nkhazomerezgeka kukamuwona kaŵiri pamwezi kwa maminiti 90 pera. Pakutora maora ghatatu nichali kwenda kuti nkhafike ku jele, ntheura nkhutoranga zuŵa lose kuluta waka kukamuwona.

Kasi mwasambirapo vichi pa ivyo vili kumuchitikirani?

Ine na Sergey tajiwonera tekha kuti palije waliyose nanga ni awo ŵakwimira boma pa milandu, ŵeruzgi, panji awo ŵakufufuza milandu kuchita chilichose padera pa icho Yehova waŵazomerezga kuchita. Chiuta ndiyo wali na nkhongono chomene pa chilichose.

Tikukhozgeka chomene na chipulikano icho Roman, Anatoliy, na Sergey ŵakulongora ndipo nase tikusambirako. Tili na chigomezgo chose kuti nanga tingasangana na masuzgo wuli, ‘topenge chara,’ chifukwa Yehova wali nase.—Salimo 23:4.

Nyengo

October 20, 2021

Ŵamazaza ŵakasecha nyumba 8 za Ŵakaboni ŵa Yehova ku Moscow. Ŵakajulira mulandu Roman, Anatoliy, na Sergey, ŵakatenge ŵakuchita milimo ya gulu ilo ŵakuti likuchita vinthu mwakutalulira kweniso kukopa ŵanji kuti ŵachitirenge lumoza. Ŵabali wose ŵatatu ŵakaŵajalira mu jele
October 22, 2021

Roman na Sergey ŵakaŵatuma ku jele lakulindilirako awo milandu yawo yinderuzgike. Anatoliy wakaŵikika mu jele la panyumba
June 17, 2022

Khoti likamba kutegherezga mulandu wawo

a Apo nkhani iyi yikalembekanga, Mubali Tolokonnikov wakaŵa mu jele ndipo pakaŵa pakusuzga kuyowoya nayo. Mudumbu Pankova wakalutilira kumanyikwa na chiwongo chake chakale pamanyuma pakuti watengwa.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI