Kufuma waka mu 2017 apo boma la Russia likakanizgira mawupu gha Ŵakaboni ŵa Yehova, ŵamazaza ŵakuwukira ŵabali na ŵadumbu ŵithu mu charu chose ichi—kwamba waka ŵa vyaka 18 m’paka vyaka 89. Kuzakafika mu July 2021, ŵabali na ŵadumbu 18, ŵa vyaka vyakwambira 60 kuya munthazi, ŵakeruzgika kuti ŵali na mulandu ndipo ŵapika chilango chifukwa waka cha kusopa mwamtende. Pasono ŵatatu ŵachali mu jele. a Lipoti Lakufuma ku Wupu Wakulongozga la 2021 #4 likayowoyapo vya nkhani ya chitima ya umo ŵamazaza ŵakuwukira ŵabali na ŵadumbu ŵithu ŵachekuru.

Kasi ntchivichi chawovwira ŵabali na ŵadumbu ŵithu ŵachekuru aŵa kuti ŵazizipizge nthambuzgo iyi? Ndise ŵakukondwa kumuphaliraniko mazgu ghakukhozga agho ŵakayowoya ŵabali na ŵadumbu ŵakugomezgeka aŵa.

Tikuwonga chomene chiyelezgero chiwemi cha ŵabali na ŵadumbu ŵithu ŵachekuru ku Russia awo ŵakulutilira kugomezgeka kwa Yehova. Chikanga icho ŵakulongora pakukhozgera unenesko, ntchakuti tose tingatolerako, ndipo chakuzirwa chomene mbutozi mu maso mwa Chiuta.—Zintharika 16:31.