JUNE 1, 2022
RUSSIA

Ŵakulutilira Kuŵa Ŵakukhora Chifukwa cha Wovwiri wa Yehova

JULANI

Khoti la Nizhnekamsk ilo lili ku Republic of Tatarstan lipelekenge chigamuro chake sonosono pa mulandu wa Mubali Denis Filatov, Stanislav Klyuchnikov, na Dmitriy Yarchak. Wakwimira boma pa milandu wachali wandapemphe chilango icho ŵangapika.

Nyengo

November 18, 2020

Ŵa FSB awo ŵakayegha vilwero ŵakasecha nyumba 12 za Ŵakaboni ŵa Yehova mu msumba wa Nizhnekamsk. Ŵabali 9 na ŵadumbu ŵatatu ŵakaluta nawo kuti ŵakaŵafumbe mafumbo
August 24, 2021

Ŵati ŵafumbika mafumbo, Denis, Stanislav, na Dmitriy ŵakakanizgika kwenda kufuma mu chigaŵa icho ŵakakhalanga
October 7, 2021

Denis, Stanislav, na Dmitriy ŵakapika mulandu. Ŵakati ŵali na mulandu chifukwa cha “kwimba sumu zapadera za chisopa na kulomba”
January 27, 2022

Mulandu ŵakawutuma ku Khoti la Nizhnekamsk ilo lili ku Republic of Tatarstan

Vyakukhwaskana na ŵanthu aŵa

Stanislav Klyuchnikov

Chaka cha kubabikira: 1982 (Nizhnekamsk)

Mbiri yake: Wali na kampani yakujambura mavidiyo. Wakutemwa ntchito yakukhwaskana na kutolera masitampu kweniso kuchita vinthu vinyake kuwaro kwa nyumba yake

Wakakumana na Ŵakaboni ŵa Yehova apo wakaŵa munyamata ndipo wakakhorwa na lusungu kweniso chitemwa icho ŵakamulongora. Wakabatizika mu 1998

Wakatorana na Oksana mu 2003. Ŵali na mwana yumoza mwanakazi

Ivyo Wakayowoya

Ntchivichi chikumovwirani kuti mulutilire kuzizipizga?

Khumbo lakuti nilutilire kwenda pa nthowa yifinyi iyo yikulongozgera ku umoyo wamuyirayira ndilo likunikhukiska kuti nileke kugongowa. Nane nkhukolerana na ivyo mpositole Petrosi wakayowoya pa Yohane 6:68, kuti: “Fumu, tilute tiye kwa njani? Imwe muli na mazgu gha umoyo wamuyirayira.” Mazgu agha ghakulongora kuti vilije kanthu kuti Satana wakuyezga kutipatuskira ku nthowa yinyake, kweni unenesko ngwakuti pali nthowa yimoza pera yaunenesko iyo yikulongozgera kwa Chiuta waunenesko. Ghangaŵa mahara yayi kukana Munthu uyo wangatovwira, kutikhozga, na kuŵa nase nyengo zose!

Dmitriy Yarchak

Chaka cha kubabikira: 1984 (Nizhnekamsk)

Mbiri yake: Wakulwara matenda ghanyake gha mu wongo. Wati wamalizga sukulu, wakamba kugwira ntchito ya ukauntanti pa sukulu yinyake ya ŵana ŵakupendera. Sonosono apa wakamba kugwira ku kampani yakuwona vya netiweki

Wakamba kuŵazga Baibolo uku wachali muchoko. Wakakhorwa na ivyo wakasambira vyakukhwaskana na makhaliro gha Yehova. Wakabatizika mu 1998

Wakatorana na Svetlana mu 2010

Ivyo Wakayowoya

Kasi ni vyawanangwa wuli vyakufuma kwa Yehova ivyo vyamovwirani chomene?

Lurombo ndilo lwanovwira chomene. Umoyo wane wose nkhujipulika kuti Adada ŵane ŵakuchanya ŵali nane ndipo ŵachali pafupi nane m’paka mwahuno. Nkhulomba kwa iwo na kuŵapempha vinjeru kuti nisankhe vinthu mwamahara. Nkhulombaso kuti mtima uŵe m’malo, kweniso kuti niwonenge vinthu mwakwenelera.

Apo ŵabali ŵithu ŵakulutilira kuthemba Yehova kuti waŵape nkhongono, tikukayika yayi kuti nawo ŵakujipulika nga ngwamasalimo Davide uyo wakalemba kuti: “Nili na chigomezgo chose kuti: Chiuta wali nane.”—Salimo 56:9.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI