OCTOBER 21, 2021
RUSSIA

Ŵakulutilira Kuŵa Ŵakukondwa Nangauli Ŵasungika mu Jele Kweniso Kukhala pa Jele la Panyumba Nyengo Yitali ku Russia

JULANI

Nyengo

Khoti la Trusovskiy ku Astrakhan lipelekenge chigamuro chake sonosono apa pa mulandu wa Mubali Rustam Diarov, Yevgeniy Ivanov na muwoli wake Olga kweniso Mubali Sergey Klikunov. Wakwimira boma pa milandu wachali wandapemphe chilango icho ŵangapika
June 11, 2020

Rustam, Yevgeniy, na Sergey ŵakamba kuŵasunga mu jele kulindilira kuti mulandu wawo weruzgike. Olga wakatumika pa jele la panyumba
June 9, 2020

Ŵamazaza ŵakujumpha 100 ŵakasecha nyumba 27 za Ŵakaboni ŵa Yehova mu msumba wa Astrakhan. Rustam, Yevgeniy, Olga, na Sergey wose ŵakaŵasunga dankha mu jele
June 8, 2020

Ŵamazaza ŵakamba kupa mulandu Rustam, Yevgeniy, Olga, na Sergey. Ŵabali wose ŵakapika mulandu wakuti ŵakulongozga na kovwirapo na ndalama pa milimo ya gulu ilo likuchita vinthu vyakofya. Olga wakapika mulandu wakuchitako vinthu vyakofya

Vyakukhwaskana na ŵanthu aŵa

Olga Ivanova

Chaka cha kubabikira: 1982 (Volzhsky, Chigaŵa cha Volgograd)

Mbiri yake: Apo wakaŵa mwana wakasambira kulizga chikediyoni. Wakasambira vyakukhwaskana na viyowoyero ndipo wakasambizganga Chingelezi

Apo wakaŵa mwana wakawopanga nyifwa. Apo Olga wakaŵa wachinyamata, amama ŵake ŵakakumana na Ŵakaboni ŵa Yehova, ndipo kufuma apo ŵakamusambizga Olga Baibolo. Wakabatizika mu 1997

Ivyo Wakayowoya

Ntchivichi chikumovwirani kuti muleke kuŵa na chitima chomene chifukwa cha kutalikirana na mfumu winu?

Chiyelezgero cha Yehova na Yesu chikunovwira chomene kuti nileke kuthera. Yehova wakatalikirana na mubwezi wake Yesu kwa vyaka 33 na hafu chifukwa cha ise taŵanthu. Mfumu wane ni mubwezi wane wapamtima ndipo namusoŵa chomene. Kweni ise titalikiranenge kwa vyaka vinandi yayi [nga ni umo vikaŵira kwa Yehova na Yesu]. Nili na chigomezgo chose kuti tilutilirenge kuzizipizga na wovwiri wa Yehova.

Sergey Klikunov

Chaka cha kubabikira: 1975 (Astrakhan)

Mbiri yake: Wakagwiranga ntchito yakotchelera visulo pambere ŵandambe kumusunga mu jele. Iyo na muwoli wake Irina, ŵakamba kusambira Baibolo pa nyengo yimoza. Fundo za mu Baibolo zikamovwira kuti waleke kukhweŵa. Wakabatizika mu 2007. Ŵali na mwana yumoza mwanakazi. Sergey wakutemwa kuŵeja somba na kulizga gitara

Ivyo wakayowoya

Ntchivichi chikumovwirani kuti mulutilire kuzizipizga apo mukusungika mu jele?

Kufuma waka apo ŵakanijalira muno mu jele, nkhuwonga chomene chawanangwa cha lurombo. Nakuti kuno ndiko nkhukhumbikwira chomene lurombo. Pasono nakwaniska myezi 6 nili mu selo lanekha. Mbunenesko kuti ntchipusu yayi kuzizipizga, kweni lurombo lukunovwira kuzizipizga vyose. Para vinthu vyasuzga chomene, nkhugwada pasi na kuŵakhutulira Adada ŵithu ŵakuchanya umo nkhujipulikira. Para nachita nthena nkhupembuzgika kweniso nkhuŵa na mtende wa mu mtima. Nakuti ntchakukhozga chomene kuwona umo Adada ŵithu ŵakuchanya ŵakutovwilira. Nkhuŵagomezga chomene, ntheura palije icho chikunitenthemeska.

Tikukhozgeka chomene kumanya kuti nyengo zose Yehova wakuŵa pafupi na ŵateŵeti ŵake ŵakugomezgeka para ŵakusangana na viyezgo.—Salimo 139:5, 10.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI