Pa March 28, 2022, Khoti la Khostinskiy ilo lili ku Sochi likeruzga mulandu wa Mubali Vladimir Deshko, Yuriy Loginskiy, na Yuriy Moskalev, kweniso Mudumbu Tatyana Velizhanina. Mubali Deshko wakeruzgika kuti wagwire jele chaka na myezi yinayi, Mudumbu Velizhanina wakeruzgika kuti wakagwire jele chaka na myezi 5. Wose ŵaŵiri ŵakaŵa kuti ŵamalizga kale kugwira vyaka ivyo ŵakapika chifukwa ŵakasungika mu jele kujumpha chaka. Mubali Loginskiy na Moskalev ŵakapika chilango chakuti ŵaleke kusangikaso na mulandu kwa vyaka viŵiri. Nawoso ŵalutenge ku jele yayi ulendo uwu.

1. March 24, 2021

   Wose ŵanayi ŵakakakika na kusungika dankha mu jele. Ŵakati ŵali na mulandu wa kuchitako milimo ya gulu ilo likuchita vinthu vyakofya

2. March 26, 2021

   Mubali Deshko na Mudumbu Velizhanina ŵakatumika ku jele lakusungirako ŵanthu awo mulandu wawo underuzgike pa mtunda wa makilomita 400. Mubali Loginskiy na Moskalev ŵakatumika pa jele la panyumba

3. February 3, 2022

   Mubali Deshko wakafumiskika mu jele na kutumika pa jele la panyumba

4. March 3, 2022

   Khoti lamba kutegherezga mulandu

5. March 4, 2022

   Mudumbu Velizhanina wakafumiskika mu jele na kutumika pa jele la panyumba

Tikugomezga kuti Yehova walutilirenge kuŵapa nkhongono na kuŵawovwira ŵateŵeti ŵake ŵakugomezgeka, na kuŵapa ivyo ŵakukhumbikwira kuti ŵazizipizge masuzgo mu mazuŵa ghaumaliro agha.—Salimo 89:21.