Mulenji wa pa February 10, 2021, ŵamazaza ŵa boma ku Russia ŵakasecha nyumba pafupifupi 15, za ŵabali na ŵadumbu ŵithu ku Moscow na chigaŵa cha kufupi. Ŵapolisi pamoza na ŵa Federal Security Service (FSB) ndiwo ŵakasechanga. Pamanyuma ŵakaluta na ŵabali ŵithu ŵanyake ku ofesi kwawo kuti ŵakaŵafumbe mafumbo. Ŵabali ŵithu ŵatatu ŵakuŵasunga dankha mu jele.

Tikulutilira kulombera ŵabali na ŵadumbu ŵithu ku Russia, pakumanya kuti Yehova waŵapenge nkhongono kuti ŵalutilire kuzizipizga apo ŵakutambuzgika.—1 Petrosi 5:10.