APRIL 7, 2017
RUSSIA
Pa Zuŵa Lachitatu, Ŵakaboni ŵa Yehova Ŵapeleka Ukaboni Wawo mu Khoti Likuru Chomene la Russia
NEW YORK—Mulandu wa Ŵakaboni ŵa Yehova uchali undamare mu Khoti Likuru Chomene la Russia. Muhanya uno languŵa zuŵa lachitatu, ndipo Khoti lati lilutirizgenge mulandu uwu pa Chitatu, April 12, 2017, nyengo ya 10:00 a.m. Mwahuno Khoti langupulikizga maukaboni agho Ŵakaboni ŵa Yehova ŵanayi ŵangupeleka. Iwo ŵangususka mulandu uwo Unduna wa vya Malango ukumangalira Ŵakaboni ŵa Yehova kuti ŵakuchita vinthu mwakutalulira, ntheura ukukhumba kujara ofesi na kukanizga ntchito yawo ku Russia.
Jaji wangufumba mafumbo ghanandi Unduna wa vya Malango kuti upeleke ukaboni wakulongora kuti Ŵakaboni ŵa Yehova ŵakuchita nadi vinthu mwakutalulira kweniso kuti ŵakupeleka mabuku agho ghali na nkhani zakutalulira. Kweni Unduna uwu wangutondeka kupeleka ukaboni wakupulikikwa. Vasiliy Kalin, membara wa komiti yakwimira ofesi ya Ŵakaboni ŵa Yehova ku Russia wanguphalira khoti kuti: “Nkhukhumba kumanyiska ŵa Unduna wa vya Malango kuti ivyo ŵakuchita pakukhumba kukanizga ntchito yithu vipwetekeskenge Ŵakaboni ŵa Yehova, awo ŵakuŵakhumbira mtende na umoyo uwemi.”
Mungayowoya na:
International: David A. Semonian, Ofesi ya Chimanyisko, +1-845-524-3000
Russia: Yaroslav Sivulskiy, +7-911-087-8009
Panji Mungatemwa Kuŵerengaso Nkhani Izi
NKHANI
Khoti Likuru ku Russia Lamba Kuzenga Mulandu Ukuru wa Ŵakaboni ŵa Yehova
Mulandu uwu ulutilirenge pa Chinayi, April 6, 2017.
NKHANI
Vasiliy Kalin: Uthenga pa Nkhani ya Kukhumba Kukanizga Ŵakaboni ŵa Yehova ku Russia
Vasiliy Kalin, uyo wakwimira ofesi ya Ŵakaboni ŵa Yehova ku Russia, wakapempha boma kuti lileke kutambuzga Ŵakaboni ŵa Yehova.
NKHANI
Ivyo Ŵanthu Ŵakuyowoya pa Nkhani ya Kukhumba Kukanizga Ŵakaboni ŵa Yehova ku Russia
Mawupu ghanandi ghakuwona wanangwa wa ŵanthu ghakuti ivyo boma la Russia likuchita pakukhumba kukanizga Ŵakaboni ŵa Yehova, vipangiskenge kuti charu ichi chiŵe na mbiri yiheni pa charu chose, kweniso vitimbanizgenge wanangwa wa kusopa wa ŵanthu ŵake.