Pa 9 August, 2024, Mubali Aleksandr Parkov wali kufumiskika mujele ku Russia. Wakasangika na mulandu pa July 29, 2021 ndipo khoti likadumura kuti wakakhale mujele vyaka 6 na hafu. Chifukwa cha nyengo iyo Aleksandr wakakhala mujele pambere wanderuzgike, chigamulo chake kufika pasono ndikuti chamara.

Wose pamoza, Aleksandr na muwoli wake, Galina Parkova ŵakakhala kwambura kuwonana kwa vyaka vyakujumpha 5. Panyengo iyi, Galina nayo wakazgoranga mulandu unyake ku khoti ndipo wakapika chilango chakuti wangasangikangaso na mulandu yayi kwa vyaka viŵiri na myezi yitatu. Ndipo chifukwa chakuti wakamaliranga nyengo yinandi ku khoti, ntchito iyo wakagwiranga yikamumalira.

Panyengo iyo wakaŵa mujele Aleksandr wakazomerezgeka kwimbira foni muwoli wake kweniso kulemberana makalata. Galina wakukumbuka umo nyengo zose wakamukhozgeranga munyengo zakusuzga izi, wakuti: “Kanandi mfumu wane wakanikumbuskanga kuti chikuru Yehova wali nase, palije icho tikwenera kopa.”

Tili na chigomezgo chose kuti Yehova walutilirenge kutumbika Aleksandr na Galina apo pasono ŵali lumoza ndipo ŵakulutilira kumusopa. Tilutilirenge kuŵa maso pa nkhani ya kulomba na kukumbuka wose awo ŵali kujalirika mujele chifukwa cha chipulikano chawo.—1 Petrosi 4:7.