SEPTEMBER 12, 2022
RUSSIA

Aleksandr Shutov Wakalutilira Kugomezga Kuti Yehova Wamovwirenge

JULANI

Khoti la Lazo ilo lili ku Chigaŵa cha Khabarovsk lipelekenge chigamuro chake sonosono apa pa mulandu wa Mubali Aleksandr Shutov. Wakwimira boma pa milandu wachali wandapemphe chilango icho wangapika.

Nyengo

July 26, 2021

Ŵakamujulira mulandu
July 30, 2021

Ŵakasecha nyumba yake. Aleksandr wakakakika, wakafumbika mafumbo, kweniso ŵakamukanizga kuchita vinthu vinyake
August 3, 2021

Wakaŵikika pa gulu la ŵanthu ŵakuchita vinthu vyakofya mu Russia
April 28, 2022

Khoti likamba kutegherezga mulandu wake

Vyakukhwaskana na munthu uyu

Aleksandr Shutov

Chaka cha kubabikira: 1952 (Pionerskiy, Chigaŵa cha Irkutsk)

Mbiri yake: Wakamba kugwira ntchito ku famu wali na vyaka 15. Pasono wali kupumura ntchito

Wakatorana na Rosa mu 1973. Ŵali na ŵana ŵanayi, ŵazukuru 11, na ŵazukuru chivu ŵatatu

Amama ŵake ŵakasambira unenesko ku Ŵakaboni ŵa Yehova awo ŵakatumika ku Siberia mwakuchita kuŵachichizga. Wakabatizika mu 1975. Wakajalirika mu jele kwa chaka chimoza mu 1976 chifukwa cha kukana usilikari

Ivyo wakayowoya

Kasi mukasambira vichi pa nyengo iyo mukakakika kakwamba mu 1976?

Nkhukumbuka chinthu chimoza icho chikanichitikira pa nyengo yira. Apo nkhatolekeranga ku jele, wapolisi munyake wa KGB wakayowoya kuti: “Ulendo uwu uŵenge utali chomene, kasi vili makora kuti tidumbiskanepo pachoko waka?” Nati nazgora mafumbo ghake ghose, wakati: “Para nkhukulaŵiska, ukuwoneka kuti ukutenthema yayi. Vili nga nkhuya nawe waka ku nyumba yako, ku jele yayi.” Apa nkhamanya kuti para tikugomezga chomene Yehova na kumupempha kuti watovwire, palije icho chingatitenthemeska napachoko. Nkhajipulika nga kuti palije chiheni chilichose icho chikuchitika. Ntheura nanga ni sono nthena, nkhulutilira kugomezga Yehova na kumupempha kuti wanovwire.

Pakuti nthambuzgo yikuya munthazi, mphanyi tose takhozga chipulikano chithu sono na kuŵikapo mtima ‘kuthemba lusungu lwa Chiuta muyirayira swii.’—Salimo 52:8.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI