Khoti la Blagoveshchensk ilo lili ku Chigaŵa cha Amur lipelekenge chigamuro chake sonosono apa pa mulandu wa Mubali Sergey Afanasiyev, Sergey Kardakov, a Anton Olshevskiy, Adam Svarichevskiy, na Sergey Yermilov. Wakwimira boma pa milandu wachali wandapemphe chilango icho ŵangapika.

1. July 20, 2018

   Ŵamazaza ŵakasecha nyumba ya Mubali Afanasiyev, Olshevskiy, na Svarichevskiy

2. October 21, 2019

   Ŵamazaza ŵakajulira mulandu Mubali Yermilov na Olshevskiy chifukwa cha kutoramo chigaŵa mu vyakuchitika vya chisopa ndipo ŵamazaza aŵa ŵakati ivyo ŵabali aŵa ŵakachitanga “vingaŵa na vyakufumapo viheni chomene”

3. September 10, 2020

   Ŵamazaza ŵakamujulira mulandu Mubali Svarichevskiy. Ŵakati wali na mulandu wakukoleranako na Mubali Olshevskiy na Yermilov pakutoramo chigaŵa mu milimo ya gulu la chisopa ilo ndakukanizgika

4. September 18, 2020

   Mubali Afanasiyev wakapika mulandu wakuyana waka

5. September 24, 2020

   Nyumba ya Mubali Kardakov ŵakayisecha. Nayo wakapika mulandu wakuyana waka ndipo ŵakati wakutimbanizga mtende na chivikiliro cha boma chifukwa cha kuŵazga Baibolo na kulomba kwa Yehova Chiuta

6. March 12, 2021

   Mubali Olshevskiy wakapikaso mulandu wakuti wakulongozga maungano gha gulu la chisopa lakukanizgika kweniso ntchito yakupharazga

7. October 21, 2021

   Khoti likamba kutegherezga mulandu wawo

Ŵabali ŵithu ŵakulongora chiyelezgero chiwemi chomene apo ŵakulutilira kuŵika mtima pa njombe yamuyirayira iyo Yehova wasungira awo ŵakuthemba iyo kunthazi, m’malo mwa nthambuzgo iyo nja kanyengo kachoko waka.—2 Ŵakorinte 4:17, 18.