APRIL 25, 2023
RUSSIA

“Chimwemwe Chikunovwira Kuti Nilutilire Kuteŵetera Yehova”

JULANI

Khoti la Zavodskiy ilo lili ku Chigaŵa cha Kemerovo lipelekenge chigamuro chake sonosono apa pa mulandu wa Mubali Vladimir Baykalov. Wakwimira boma pa milandu wachali wandapemphe chilango icho Mubali uyu wangapika.

Vyakukhwaskana na munthu uyu

Vladimir Baykalov

Chaka cha kubabikira: 1963 (Krapivinskiy, Chigaŵa cha Kemerovo)

Mbiri yake: Wakaŵa nkhwantha pa maseŵero gha nkhonya pambere wandaŵe Kaboni wa Yehova. Pamanyuma wakaŵa msambizgi wa maseŵero kweniso wakaŵa menejara wa sitediyamu yakuchitiramo vya maseŵero

Wakatorana na Irina mu 1984 Ŵali na ŵana ŵaŵiri, mwanalume na mwanakazi

Irina wakamba kusambira Baibolo mu 1995 ndipo wakabatizika mu 1996. Vladimir wakawona kuti vinthu vikendanga makora apo banja lake likalondezganga fundo za mu Baibolo. Wati wapwetekeka, Vladimir wakaleka kuchita vyamaseŵero ndipo wakamba kughanaghanirapo chomene za umoyo wake na kwamba kusambira Baibolo. Wakabatizika mu 1999

Ivyo Wakayowoya

Kasi ni mukhaliro wuli uwo ukumovwirani kuzizipizga?

Chimwemwe ndicho chikunovwira chomene kuti nilutilire kuteŵetera Yehova kweniso kuti nikoleske chigomezgo chane. Ntheura nkhuchita vyose ivyo ningafiska mwakuti nilutilire kuteŵetera Yehova mwachimwemwe. Kweniso nkhughanaghanira viwemi ivyo Yehova wali kutilayizga munthazi. Kuchita vinthu ivi kukunovwira kuti niŵenge wachimwemwe nanga mpha nyengo iyo nkhuŵa ku khoti.

Kasi ni vesi wuli la mu Baibolo ilo likumupembuzgani chomene?

Pa Mariko 13:11, Yesu wakayowoya ivyo tikwenera kuchita para tatolekera panthazi pa khoti. Iyo wakati: “Kwenjerwa chara na icho mwamuyowoya. Kweni mukayowoye icho chapika kwa imwe mu ora ilo, pakuti ndimwe chara mwamuyowoya, kweni mzimu utuŵa.” Kukwambilira kwa mulandu wane, mweruzgi wakanipa mwaŵi kuti nilongosorepo chigaŵa chane. Pa nyengo iyi nkhatenthema chomene. Kweni na wovwiri wa mzimu wa Yehova, nkhafiska kuyowoya mwakuzikira kweniso mwantchindi. Nkhajipulika kuti Yehova wakazgora malurombo ghane mwakunipa chikanga na khumbo lakuti nichite icho ntchakwenelera.

Tili na chigomezgo chose kuti Yehova walutilirenge kuŵapa nkhongono ŵateŵeti ŵake wose ŵakugomezgeka mwakuti ŵazizipizge masuzgo mwachimwemwe.—Yakobe 1:2, 3.

Nyengo

February 2, 2022

Ŵakamujulira mulandu
February 3, 2022

Ŵakasecha nyumba yake
October 26, 2022

Wakapika mulandu ndipo wakakanizgika kwenda kufuma mu chigaŵa icho wakakhalanga
November 30, 2022

Khoti likamba kutegherezga mulandu wake

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI