AUGUST 26, 2021
RUSSIA

Dada wa Ŵana Ŵaŵiri Wangapika Chilango Chakuti Wagwire Jele Vyaka 15 Chifukwa cha Chipulikano Chake

JULANI

Nyengo

Khoti la mu Msumba wa Uray ku Khanty-Mansi Autonomous Area—Yugra, lipelekenge chigamuro chake sonosono apa pa mulandu wa Mubali Andrey Sazonov. a Wangazakapika chilango chakuti wagwire jele vyaka 15
June 22, 2020

Khoti lamba kutegherezga mulandu wa Andrey
August 22, 2019

Wafumiskika pa jele la panyumba ndipo wakanizgika kwenda na kuchita vinthu vinyake
February 26, 2019

Watumika pa jele la panyumba
February 6, 2019

Ŵamusunga dankha ku malo ghanyake, ndipo pati pajumpha mazuŵa ghaŵiri, ŵati ŵasecha uko wakugwilira ntchito na galimoto yake, ŵakamusamuskira ku jele uko ŵakusungako ŵanthu awo mulandu wawo underuzgike
January 31, 2019

Ŵamupa mulandu wakuti “wakulongozga na kuchitako milimo ya gulu ilo likuchita vinthu vyakofya”

Vyakukhwaskana na munthu uyu

Andrey Sazonov

Chaka cha kubabikira: 1980 (Moscow)

Mbiri yake: Wakugwira ntchito pa kampani yinyake yikuru. Wakatorana na Viktoria, uyo ni msambizgi wa Chingelezi mu 2002. Ŵali na mwana mwanakazi yumoza zina lake Irina (Ira), na mwanalume zina lake, Vyacheslav (Slava)

Wakamba kusambira Baibolo na Ŵakaboni ŵa Yehova kukwambilira kwa m’ma 1990, ndipo wakabatizika mu 1997

Ivyo Wakayowoya

Ntchivichi changuŵa chakusuzga chomene kwa imwe pa nyengo yose iyi?

Chinthu chakusuzga chomene kwa ine changuŵa kulekana na ŵanthu awo nkhuŵatemwa na kumanya kuti palije icho ningachita kuti niŵawovwire. Nkhafipanga mtima chomene na umo mbumba yane yizizipizgirenge chiyezgo ichi. Nkhafipirangaso mtima ŵabali na ŵadumbu chifukwa nawo nyumba zawo ŵakazisecha.

Ntchivichi chikamovwirani kuti mulutilire kuwona vinthu mwakwenelera apo mukasungikanga mu jele?

Nkhamanya fundo yakuti palije icho ningachitapo pa vinthu ivyo vikanichitikiranga ku jele uko ŵakanisunganga. Nyengo zinyake, nkhamanyanga yayi ivyo vichitikenge zuŵa ilo. Ŵakajuranga chijaro cha selo iyo nkhaŵamo na kunitora kuluta nane kunyake. Nkheneranga kusambira umo ningachitira vinthu mwamahara pa nyengo zanthena izi. Apo nkhambanga kutambuzgika, nkhakumbuka mazgu gha pa lemba la Ŵaroma 12:21, apo pakuti: “Mungazomeranga yayi kuti uheni umuthereskani, kweni lutilirani kuchita uwemi kuti muthereske uheni.” Kanandi waka nkhuwona kuti fundo iyi yikunovwira chomene pa umoyo wane. Nkhasimikizga mtima kuti vilije kanthu kuti kwali ŵakunichitira nkhaza, ine nilutilirenge kuŵalongora lusungu. Nkhayezgeskanga kulongora lusungu kwa waliyose. Nkhaŵikapo mtima kuti nileke kuŵakwiyira wose awo ŵakachitiska kuti nisangane na masuzgo ghose agha. Nakuti ntchakukondweska chomene kuwona umo ŵanthu ŵakusinthira vyakuchita para ŵakukhazga kuti uŵakwiyirenge mbwenu iwe ukuŵalongora lusungu. Wamunthu ukuŵa wakukondwa chomene!

Nanga ni apo viyezgo ivi vikaŵa vindatiwire na mbumba yane, nkhasunga pamtima sumu ziŵiri, “Kuthera Chara” na “Nipani Chikanga.” Sumu izi zikunifika pamtima chomene. Apo nkhaŵa mu jele ndizo nkhatemwanga kwimba pafupipafupi. Nakuti ivi vikanipa nkhongono kweniso kunovwira kuti nilutilire kuzizipizga.

Kasi mungaŵaphalirako vichi awo ŵakukhumba kunozgekera nthambuzgo izo zikwiza munthazi?

Chitani chilichose icho mungafiska kuti mukhozge ubwezi winu na Yehova sono, ndipo muŵe na vyakuchita vinandi mu ntchito iyo Yehova watipa. . . . Para mukutangwanika chomene na vinthu ivyo vikukondweska Yehova, muŵavyenge nyengo yakuchitira vinyake ivyo vingalopweska chipulikano chinu.

Tikuwonga chomene chiyelezgero chiwemi icho ŵabali na ŵadumbu ŵithu ku Russia ŵakulongora, apo ŵakulutilira kutambuzgika. Tikugomezga kuti Yehova walutilirenge kuŵapa “chikanga na nkhongono.”—Salimo 138:3.

a Ni nyengo zose yayi apo deti ilo khoti lizamupelekera chigamuro chake likumanyikwirathu.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI