MARCH 6, 2024
RUSSIA

Khoti Ladumura kuti Mudumbu Yelena Kozhevnikova Waleke Kusangikaso na Mulandu kwa Vyaka Viŵiri

JULANI

Pa 4 March, 2024, Khoti la Tsentralniy ku Tolyatti Chigaŵa cha Samara likadumura kuti mudumbu Yelena Kozhevnikova wali na mulandu. Khoti lili kudumura kuti mudumbu uyu waleke kusangikaso na mulandu kwa vyaka viŵiri. Pasono walutenge ku jele yayi.

Vyakukhwaskana na munthu uyu

Yelena Kozhevnikova

Chaka cha kubabikira: 1961 (Ivanovo, Chigaŵa cha Ivanovo)

Mbiri yake: Wakaguliskanga mu sitoro yikuru. Wakaŵa na mwana yumoza pera mwanalume uyo wakafwa na vyaka 18

Wakajiŵikira chilato chakuti waŵerenge Baibolo lose. Wakamba kusambira Baibolo na Ŵakaboni ŵa Yehova ndipo wakasanga mazgoro ghakukhorweska gha mafumbo agho wakaŵa nagho. Wakabatizika mu 1998

Ivyo Wakayowoya a

Kasi mwasanga chandulo wuli chifukwa cha malurombo agho ŵanji ŵakumulomberani?

Malurombo agho ŵabali na ŵadumbu ŵakunilombera ghakunovwira kuti nileke kuthera ku masuzgo agho nkhujumphamo. Yehova wakuzgora malurombo ghane pamoza na gha ŵabali, chifukwa wakunipa mtende wa mumtima. Ndipo ivi vikunovwira kuti nighanaghanenge makora kweniso kusankha makora vinthu. Tikukondweska mtima wa Yehova para tikulomberana yumoza na munyake. Nkhuwona kuti Yehova wakukondwa para wakuwona kuti ndise ŵakukolerana kwizira mu malurombo. Pakuti najiwonera nekha umo malurombo agho ŵabali ŵakunilombera ghakunovwilira, nane naŵikapo mtima kulutilira kulombera ŵanji.

Ndise ŵakukondwa kumanya kuti Yehova wakuzgora malurombo ghithu pakupeleka ‘nkhongono kwizira mu mzimu wake’ kwa Yelena kweniso ku ŵabali na ŵadumbu wose awo ŵakuzizipizga nthambuzgo.—Ŵaefeso 3:16.

Nyengo

May 15, 2023

Ŵakamujulira mulandu
May 16, 2023

Ŵakasecha nyumba yake
May 18, 2023

Wakakanizgika kwenda kuluta ku vigaŵa vinyake
August 16, 2023

Khoti likamba kutegherezga mulandu wake
March 4, 2024

Khoti likamusanga na mulandu, ndipo likadumura kuti waleke kusangikaso na mulandu kwa vyaka viŵiri