Pa May 12, 2021, Khoti ilo lili ku Chigaŵa cha Jewish Autonomous likakana apilu ya Mudumbu Monis. Khoti la ku Russia ili likakolerana na ivyo wakwimira boma pa milandu wakapempha kuti ŵasinthe chilango icho Mudumbu Svetlana wakapika pakwamba. Iyo wakapempha kuti m’malo mwakuti Mudumbu Svetlana walipire ndalama zakukwana madola 135 gha ku America, wakhale vyaka viŵiri na hafu kwambura kusangika na mulandu. Pasono ŵamujalirenge mu jele yayi.