Pa October 7, 2020, khoti la Mayskiy ilo lili ku Kabardino-Balkarian Republic likati Mubali Yuriy Zalipayev walije mulandu ndipo likamazga milandu yose iyo ŵakamupa. Wakwimira boma pa milandu wali na mazuŵa 10 ghakuti wangapangira apilu cheruzgo ichi.

Wakwimira boma pa milandu wakati Mubali Zalipayev wali na mulandu wakuchiska ŵanthu kuti ŵachitenge vya viwawa. Ndipouli, ŵanthu 30 ŵakapeleka ukaboni wakuti mubali uyu, wakachitapo chiheni chilichose yayi padera pa kuchiska ŵanthu kuti ŵaŵazgenge Baibolo na kulongora lusungu ku ŵanthu ŵa mtundu uliwose.

Chigamuro ichi chapelekeka pakutoleraso ivyo wupu wa UN Working Group on Arbitrary Detention ukayowoya mwasonosono apa, kuti Ŵakaboni ŵa Yehova ŵakuchita viwawa vya mtundu uliwose yayi panji kuchiska ŵanthu kuti ŵachitenge nthena.

Khoti lati lapeleka chigamuro ichi, Mubali Zalipayev wakati: “Ŵa mu mbumba yane na ŵabwezi ndivyo ŵakhazganga yayi. Nkhuwonga Yehova, chifukwa nachitanga wofi yayi apo mulandu wane weruzgikanga. Ndine wakukondwa chomene ndipo nkhuwonga waliyose uyo wanichitira ukaboni mu khoti kuti nilije mulandu.”