Pa Chiŵiri, June 9, 2020, Khoti la mu msumba wa Pskov likeruzga mulandu wa Mubali Gennady Shpakovskiy uyo wali na vyaka 61 ndipo likadumura kuti wakagwire jele vyaka 6 na hafu. Mulandu wake wati wamara waka kweruzgika, nyengo yeneyiyo ŵakaluta nayo ku jele. Aka nkhakwamba kuti mubali withu wapike vyaka vinandi nthena kufuma waka apo Khoti Likuru la ku Russia likati ntchito yithu njakukanizgika mu 2017. Mubali Shpakovskiy wapangenge apilu mulandu uwu.