Pa December 23, 2020, Khoti ilo lili ku Kemerovo likakana apilu ya Mubali Khasan Kogut. Apa ndikuti cheruzgo icho chikapelekeka pakwamba chakuti mubali uyu waleke kusangikaso na mulandu unyake kwa vyaka viŵiri na hafu chambenge kugwira ntchito. Ndipouli, ŵamumujalira mu jele yayi.

Nangauli Mubali Khasan wakudandawura kuti mulandu uwu ŵali kumupa ukunanga mbiri yake, wakupembuzgika pakumanya kuti walutilira kugomezgeka ndipo wachali kutemweka na Yehova. Mubali Khasan na muwoli wake, Yekaterina, pamoza na mwana wawo wa vyaka 8, Timofey, ŵaŵikapo mtima kulutilira kuteŵetera Yehova nga ni mbumba.

Mu mazgu ghake ghaumaliro agho wakayowoya mu khoti pa September 10, 2020, Mubali Khasan wakayowoya mwachikanga kuti: “Nizamutayapo yayi chipulikano chane mwa Yehova Chiuta, ndipo nkhuwona kuti kunichichizga kuchita nthena ndiwo ni mulandu! Ivi ndivyo nkhugomezga na mtima wose. Kwali vinthu vingaŵa wuli pa umoyo wane, ‘nanga ni nyifwa, umoyo, ŵangelo, maboma, vinthu ivyo viliko sono, vinthu ivyo vikwiza, nkhongono, kutumphuka, kunyang’amira, panji chilengiwa chinyake chilichose, vitipaturenge yayi ku chitemwa cha Chiuta.’”—Ŵaroma 8:38, 39.