Pa January 19, 2021, Khoti la Kamchatka likakana apilu ya Mubali Sergey Ledenyov. Apa ndikuti chilango icho wakapika pakwamba chakuti waleke kusangikaso na mulandu vyaka viŵiri chiyambenge kugwira ntchito. Pasono mubali uyu ŵamumujalira mu jele yayi.

Pambere khoti lindadumure mulandu wake mubali, Sergey wakapika mwaŵi wakuti wayowoyepo. Wakayowoya mwachikanga kuvikilira chipulikano chake ndipo wakalongora kuti ngwakukhumbisiska kulutilira kusopa Yehova. Iyo wakati: “Chipulikano chane chikuthemba waka pa malango gha wupu unyake yayi, kweni pa Baibolo. Mwachiyelezgero, ‘nyumba yiliyose yikuzengeka na munthu, kweni uyo wakazenga vinthu vyose ni Chiuta uyo zina lake ni Yehova.’ (Ŵahebere 3:4; Ekisodo 15:3) Palije chigamuro icho chingafufuta mazgu agha mu Baibolo panji mu mtima wane.”