Pa February 15, 2021, Khoti la Birobidzhan la ku Chigaŵa cha Jewish Autonomous likati Mudumbu Svetlana Monis wali na mulandu chifukwa cha kuchitako milimo ya gulu ilo ndakukanizgika. Khoti ili likati walipire ndalama zakukwana madola 137 gha ku America.

Mu mazgu ghake ghaumaliro, Mudumbu Svetlana wakalongora kuti wali na chipulikano kweniso chikanga. Iyo wakati: “Nkhukhumba kumumanyiskani mose muno mu khoti kuti nimilira panthazi pinu . . . chifukwa cha zina la Fumu yithu, Yesu Khristu, na Adada ŵake a Yehova Chiuta. Wonani ivyo Baibolo likuyowoya pa nkhani iyi. Pa 1 Petrosi 4:14-16, pakuti: ‘Usange mukutombozgeka chifukwa cha zina la Khristu, ndimwe ŵakukondwa chifukwa mzimu wa uchindami, uwo ni mzimu wa Chiuta, ukukhala pa imwe. Paŵavye yumoza wa imwe wasuzgike chifukwa chakuti wakukoma ŵanthu panji ni munkhungu panji wakuchita uheni panji wakunjilirapo pa nkhani zaŵene. Kweni usange munthu wakusuzgika chifukwa chakuti ni Mkhristu, waleke kukhozgeka soni, kweni walutilire kupeleka uchindami kwa Chiuta na kulondezga Khristu.’”