Pa February 4, 2020, khoti la Zheleznodorozhniy ku Khabarovsk likadumura kuti Mubali Stanislav Kim na Nikolay Polevodov ŵali na mulandu, ndipo ŵakhale pa jele la panyumba vyaka viŵiri. Nangauli ŵalutenge ku jele yayi, kweni ŵamazaza ŵaŵawonelerengepo kwa vyaka viŵiri. Ŵabali aŵa ŵachitenge apilu pa milandu iyo ŵaŵapa. Ŵabali ŵaŵiri aŵa ŵaliso na mulandu unyake uwo Khoti la Industrial District la mu msumba wenewuwu likutegherezga.” Pasono zuŵa la kupelekera cheruzgo pa mulandu uwu lindamanyikwe dankha.