FEBRUARY 24, 2021
RUSSIA
Khoti ku Russia Lati Mubali Roman Baranovskiy na Amama Ŵake Awo Mbachekuru, Mudumbu Valentina Baranovskaya, Ŵakagwire Jele
Pa February 24, 2021, Khoti la mu Msumba wa Abakan ilo lili ku Republic of Khakassia likati Mubali Roman Baranovskiy wakagwire jele vyaka 6. Khoti ili likeruzgaso kuti amama ŵake Roman, Mudumbu Valentina Baranovskaya, ŵakagwire jele vyaka viŵiri. Aka nkhakwamba kuti mudumbu ku Russia weruzgike kuti wakagwire jele chifukwa cha chipulikano chake. Mudumbu Valentina wakwaniskenge vyaka 70 mu April 2021 ndipo mu July 2020 wakakoreka na sitiroku.
Ŵati ŵapeleka waka chigamuro ichi, wose ŵakaluta nawo kukaŵajalira. Ŵapangenge apilu chigamuro ichi.
Panji Mungatemwa Kuŵerengaso Nkhani Izi
NKHANI
Ŵajalirika mu Jele Chifukwa cha Chipulikano Chawo—Russia
Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.