Pa January 26, 2021, Khoti la Leninskiy ku Rostov-on-Don likati Mudumbu Galina Parkova wali na mulandu ndipo wakhale vyaka viŵiri na myezi yitatu kwambura kusangikaso na mulandu unyake. Pasono ŵamumujalira mu jele yayi.

Mu mazgu ghake gha umaliro pambere khoti lindapeleke chigamulo chake, wakayowoya mwachikanga kuti: “Pakuŵa munthu wa chipulikano, nkhumanya ivyo vikupangiska kuti nisanganenge na masuzgo ghose agha. Fumu yane Yesu Khristu yikayowoyerathu vifukwa vyake. Mu buku la Yohane chaputara 15, vesi 20, Yesu wakuti: ‘Muzga ni mukuru chara kuluska fumu yake. Usange ŵakanitambuzga ine, ŵatambuzgenge na imwe wuwo.’

“Usange Yesu ndiyo ŵakamuchitira vinthu vyanthena, munthu uyo wakachizganga na kulyeska ŵanthu kweniso uyo wakaphalirangako ŵanthu vyakukhwaskana na Adada ŵake na Ufumu uwo ukwiza kunthazi, kuli wuli ŵalondezgi ŵake? Pakuti nkhutambuzgika chifukwa cha chipulikano chane, vyanovwira kuti nisimikizge kuti nkhwenda nadi pa nthowa yakwenelera!”