SEPTEMBER 26, 2022
RUSSIA

Kuŵa Paubwezi Wakukhora na Yehova Kwamovwira Kuti Waleke Kopa

JULANI

Khoti la Kyzylskiy ilo lili ku Republic of Tuva lipelekenge chigamuro chake sonosono apa pa mulandu wa Mubali Anatoliy Senin. Wakwimira boma pa milandu wachali wandapemphe chilango icho wangapika.

Nyengo

January 28, 2021

Pamanyuma pa kusecha nyumba yake, ŵakamukaka na kumusunga dankha mu jele
January 30, 2021

Wafumiskika mu jele na kutumika pa jele la panyumba
March 27, 2021

Wafumiskika pa jele la panyumba na kukanizgika kwenda kufuma mu chigaŵa icho wakakhalanga
January 17, 2022

Wapika mulandu wakuti wakulongozga milimo ya Ŵakaboni ŵa Yehova
April 6, 2022

Khoti lamba kutegherezga mulandu

Vyakukhwaskana na munthu uyu

Anatoliy Senin

Chaka cha kubabikira: 1979 (Norilsk, Chigaŵa cha Krasnoyarsk)

Mbiri yake: Wakugwira ntchito ya vya magesi na ya upulambara

Wakaluta ku maungano gha Ŵakaboni ŵa Yehova ndipo wakakhorwa na umo ŵakalongosoleranga makora ivyo Baibolo likusambizga. Wakazomera kusambira Baibolo. Wakabatizika mu 2000

Wakatorana na Anastasiya mu 2013

Ivyo Wakayowoya

Kasi mwasambira vichi pa ivyo vyamuchitikirani?

Pambere ŵandaseche nyumba yane, nkhaghanaghaniranga waka umo vinthu vingazakaŵira, kweni ŵati ŵiza kuzakasecha nkhasanga kuti vikaŵa vyakofya nga umo nkhaghanaghaniranga yayi. Nkhumanya kuti Satana ndiyo wakupangiska vyose ivi chifukwa wakukhumba kutichitiska wofi. Nasambira fundo yakuti tikwenera kuŵikapo mtima kukhozga ubwezi withu na Yehova. Para tingaleka kuchita nthena, mbwenu Satana wangaluska na kutipoka mtende uwo tili nawo.

Tikukhozgeka chomene na mazgu agho Yesu wakaphalira ŵasambiri ŵake ghakuti: “Mitima yinu yingakweŵekanga chara nesi kusuzgika chifukwa cha wofi.”—Yohane 14:27.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI