JULY 14, 2021
RUSSIA

Kunozgekera Nthambuzgo Kwawovwira Ŵabali Ŵatatu Kuti Ŵalutilire Kugomezgeka kwa Yehova

JULANI

Nyengo

Khoti la Ussuriyskiy ilo lili ku Chigaŵa cha Primorye lipelekenge chigamuro chake sonosono apa pa mulandu wa Mubali Anton Chermnykh, Sergey Korolchuk, na Dmitriy Tishchenko. a Uyo wakwimira boma pa milandu wachali wandapemphe chilango icho ŵabali aŵa ŵakwenera kupika
September 23, 2020

Khoti likwamba kutegherezga mulandu wa Anton, Sergey, na Dmitriy
July 7, 2020

Anton, Sergey, na Dmitriy ŵapika mulandu wakuŵa ŵalongozgi ŵa gulu la chisopa ilo ndakukanizgika ndipo “likuchita vinthu vyakofya”
June 18, 2019

Sergey ŵamusunga mu jele kwa mazuŵa ghaŵiri

Vyakukhwaskana na ŵanthu aŵa

Anton Chermnykh

Chaka cha kubabikira: 1987 (Magdeburg, Germany)

Mbiri yake: Wali na mwana wakwake uyo ni muleza na iyo ndipo apo wakaŵa muchoko adada ŵake ŵakaŵachimbira. Kufuma waka apo wakamalizgira sukulu, wakagwiranga ntchito yakupanga mapulogiramu gha pa kompyuta

Wakasambira unenesko kufuma kwa amama ŵake. Wakakondwa chomene kumanya ivyo Baibolo likuyowoya pa nkhani ya chifukwa icho tiliri na umoyo. Wakabatizika na kuŵa Kaboni wa Yehova mu 2004. Wakatorana na Yekaterina mu 2013. Ŵali na mwana mwanakazi zina lake, Milana

Ivyo Wakayowoya

Kasi mukachita wuli kuti munozgekelerethu nthambuzgo?

Kanandi nkhaghanaghanirangapo, ndipo mu mtima nkhayezgeleranga kuwona ivyo vingachitikira ine kweniso mbumba yane. Nyengo zose nkhaŵikangapo mtima kulondezga ndondomeko yane yakusambira Baibolo panekha. Chomene apo boma la Russia likamba kukaka ŵabali, nkhamanya kuti nyengo yinyake nane namusangika nili mu jele ndipo namuŵavya Baibolo panji mabuku ghithu.

Sergey Korolchuk

Chaka cha kubabikira: 1967 (Vladivostok, Chigaŵa cha Primorye)

Mbiri yake: Wakasambira vya usilikari ndipo wakagwiranga mu Komiti Yakuwona vya Chivikiliro cha Charu (Committee for State Security). Kufuma apo wakamba kugwira ntchito yakwendeska mashini pa kampani yinyake. Mwasonosono apa wangwamba kugwira ntchito yakutozga malo. Wakatorana na Yelena mu 1989. Ŵali na ŵana ŵaŵiri

Wakakhorwa na ivyo Baibolo likuyowoya pa nkhani ya vyakuchitika vya mu charu kweniso chilindizga cha munthazi. Wakabatizika na kuŵa Kaboni wa Yehova mu 1993

Ivyo Wakayowoya

Kasi mwasambira vichi pa nyengo yakusuzga iyi, icho chizamumovwirani chomene kunthazi para chipulikano chinu chazakayezgeka?

Nkhuwona kuti vyose ivyo vikuchitika, vikuyana waka ndendende na ivyo Khristu wakayowoya. Tikwenera kufipa mtima chomene yayi. M’malo mwake, mitima yithu yikwenera kuŵa m’malo, ndipo usange ntchamachitiko tikwenera kuphalirako ŵanji unenesko mwaluso kweniso mwantchindi. Ndine wakunozgeka kupokera chigamuro chilichose icho khoti lingapeleka ndipo mbumba yane nayo njakunozgeka.

Apo mulandu wawo ukulutilira, tikumanya kuti Yehova walutilirenge kutumbika kugomezgeka kwa Anton, Sergey, na Dmitriy.—Zintharika 28:20.

a Ni nyengo zose yayi apo deti ilo khoti lizamupelekera chigamuro chake likumanyikwirathu.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI