SEPTEMBER 21, 2022
RUSSIA

Kusanga Vifukwa Vyakuŵira Ŵakukondwa

JULANI

Khoti la Oktyabrskiy ilo lili ku Chigaŵa cha Krasnoyarsk, sonosono apa lipelekenge chigamuro chake pa mulandu wa Mubali Aleksandr Filatov. Wakwimira boma pa milandu wandapemphe chilango icho mubali uyu wangapika.

Nyengo

July 9, 2021

Ŵakamba kumupa mulandu. Ŵakati wakovwirapo pa mulimo wa gulu ilo likuchita vinthu vyakofya
July 11, 2021

Ŵakasecha nyumba yake
July 13, 2021

Wakakakika na kuluta nayo ku Unduna Wakuwona Vyachivikiliro
July 15, 2021

Ŵakamusunga dankha mu jele
January 20, 2022

Khoti likamba kutegherezga mulandu wake

Vyakukhwaskana na munthu uyu

Aleksandr Filatov

Chaka cha kubabikira: 1984 (Sharypovo, Chigaŵa cha Krasnoyarsk)

Mbiri yake: Wakaŵapo injiniya kweniso wakagwiranga ntchito ya vya magesi

Amama ŵake ndiwo ŵakamusambizga unenesko. Mu 1994 wakabatizika na kuŵa yumoza wa Ŵakaboni ŵa Yehova

Wakatorana na Yelena mu 2007. Ŵali na ŵana ŵaŵiri ŵanalume

Ivyo Wakayowoya muwoli wa Aleksandr, Yelena a

Ntchivichi chikumovwira Aleksandr kuzizipizga apo ŵakumusunga mu jele?

Aleksandr wakulemba vitumbiko vyose ivyo wakusanga. Wakulembaso vifukwa ivyo wakwenera kuŵira wakukondwa. Wakuyezga kuwonamo viwemi mu masuzgo agho wakusangana nagho. Wakutiso kuŵazga Baibolo na lurombo kukumovwira kuti wawonenge vinthu mwakwenelera.

Nane nkhuchitapo kanthu kuti nimukhozge Aleksandr. Para nkhunozgekera vyakuti nimulembere mu kalata, nkhupenja fundo zinyake zakuti zingamukhozga, nga ni fundo izo nasanga pa vesi linyake ilo naŵazganga mu Baibolo panji mazgu ghakukhozga agho ŵabali na ŵadumbu ŵakunilembera.

Chiyelezgero chiwemi cha Aleksandr pa nkhani ya kugomezgeka chikutikumbuska waka kuti Yehova wakutumbika awo ŵakumuteŵetera “na mtima wakusangwa na wachimwemwe.”—Dotoronome 28:47.

a Apo tikalembanga nkhani iyi, Mubali Filatov wakaŵa ŵachali kusungika mu jele, tikatondeka kuyowoya nayo.