Sonosono apa khoti la Leninskiy ilo lili ku Rostov-on-Don liperekenge chigamuro pa mulandu wa Mdumbu  Galina Parkova. a Para khoti lazakamusanga na mulandu, wangazakapika chilango chakuti wagwire jele vyaka vitatu.

Galina Parkova

• Chaka cha kubabikira: 1970 (ku Kaltan)

• Mbiri yake: Mu 1990, Galina wakatengwa kwa Aleksandr. Ŵali na ŵana ŵanakazi ŵatatu na ŵazukulu ŵaŵiri. Ŵakamba kusambira Baibolo na Ŵakaboni ŵa Yehova. Ndipo Mudumbu Galina wakabatizika mu 1995. Iyo wakutemwa kwimba kweniso kudinda vithuzi

Ŵalara ŵa boma ŵakamba kumuzenga mulandu Mudumbu Galina pa June 6, 2019. Pakaŵa kuti pajumpha masabata ghachoko waka, kufuma apo mfumu wake Aleksandr, ŵakamukaka na kumuŵika mu selo kulindilira mulandu wake.

Chifukwa chakuti Mudumbu Galina mfumu wake wali kukakika, ntchakusuzga chomene kuti wasange vyakukhumbikwa pa umoyo. Kweniso Mudumbu Galina wangatora yayi ndalama zake ku banki chifukwa chakuti ŵalara ŵa boma ŵali kumujalira akaunti yake. Pasono wali kuleka ntchito iyo wakagwiranga pakwamba, ndipo wakuchita waka maganyu kuti wasange vyakukhumbikwira.

Ŵabali na ŵadumbu ŵithu ku Russia ‘mbanthu ŵarunji awo ŵakuwoneka nga ŵakuchita viheni.’ (Mupharazgi 8:14) Kweni chiyelezgero chawo chiwemi pa nkhani yakulongora chipulikano chikutikhozga kuti tileke kuthera nanga tingasangana na viyezgo wuli.