Pa September 19, 2023, Mubali Aleksandr Nikolayev wakafumiskika mu jele ku Russia pamanyuma pakukhala mu jele vyaka viŵiri. Ŵabali na ŵadumbu ŵakamupokelera wati wafumiskika waka mu jele, ndipo wakaŵaso pamoza na muwoli wake Yevgeniya, kweniso ŵana ŵake ŵankhondi.

Kukwambilira kwa 2021, gulu la FSB na ŵapolisi ŵakasecha mu nyumba ya Nikolayev. Ntheura Aleksandr ŵakamukaka na kumujalira mu jele chifukwa chakuti wakadumbiskananga vya Baibolo na ŵamubanja lake kweniso ŵabwezi.

Pambere wandakakike, Aleksandr wakayowoyapo pa icho chikamovwira kuti walutilire kuŵa wakugomezgeka. Iyo wakati: “Nkhamanya kuti munthu wangaghanaghana makora yayi para wakopa munthu kweniso vinthu ivyo vindachitike. Ntheura nkhaŵikapo mtima kuti nileke kuchita wofi. Nkhalomba kwa Yehova kuti wanovwire kuti nimugomezgenge chomene, ndipo iyo wanovwira chomene pa nkhani iyi.”

Tikukondwa kuti Aleksandr pasono ni mwanangwa ndipo wakukondwa pamoza na banja lake. Tikukayika yayi kuti Yehova “wakukondwa” na ŵateŵeti ŵake ŵakugomezgeka para ŵakulongora kuti ŵali na chipulikano kweniso chikanga para ŵasangana na vinthu vyambura urunji.—Salimo 149:4.