JANUARY 24, 2022
RUSSIA

Mubali Aleksandr Polozov na Stepan Shevelev Ŵasanga Vitumbiko Vinandi Nangauli Ŵakutambuzgika

JULANI

Khoti la Norilsk ilo lili ku Chigaŵa cha Krasnoyarsk lipelekenge chigamuro chake sonosono apa pa mulandu wa Mubali Aleksandr Polozov na Stepan Shevelev. Uyo wakwimira boma pa milandu wachali wandapemphe chilango icho ŵangapika.

Nyengo

October 20, 2019

Ŵamazaza ŵakazingilizga malo ghanyake mu msumba wa Norilsk. Ŵakaboni ŵakujumpha 50 ŵakakakika
October 26, 2019

Aleksandr wakakika na kusungika mu jele
January 21, 2020

Aleksandr wafumiskika mu jele wati wakhalamo myezi pafupifupi yitatu
February 19, 2020

Aleksandr waŵikika mu gulu la ŵanthu ŵakofya ndipo maakaunti ghake gha ku banki ghakajalika
May 6, 2021

Ŵamazaza ŵakati Stepan “wakakolerana na Aleksandr kuti ŵapalamure mulandu.” Stepan wakapika mulandu wakuti wakalombanga na kupharazga

Vyakukhwaskana na ŵanthu aŵa

Aleksandr Polozov

Chaka cha kubabikira: 1970 (Torzhok, Chigaŵa cha Tver)

Mbiri yake: Apo wakaŵa munyamata wakatemwanga maseŵera gha hockey na kushuwa. Wakagwirapo ntchito yakovwira awo ŵasangana na vyamabuchi. Wakatorana na Svetlana mu 1998. Ŵakutemwa kutchova njinga na kwenda malo ghakupambanapambana

Wakamba kusambira Baibolo na Ŵakaboni ŵa Yehova mu ma 1990. Wakabatizika mu 1995

Ivyo Wakayowoya

Kasi Yehova wakamovwirani wuli apo ŵakamusunganinge mu jele?

Ŵati ŵamara kunifumba mafumbo ulendo wakwamba, ŵakaluta nane mu selo. . . . Munyane uyo tikaŵa mu selo yimoza wakanifumba chifukwa icho ŵanisungira mu jele. Nkhamulongosolera kuti napika mulandu chifukwa cha chipulikano chane mwa Chiuta. . . . Iyo wakati: “Laŵiska kusi kwa thebulu.” Nkhati nalaŵiskako, nkhawona Mabaibolo ghaŵiri. Nkhagomezga yayi kuti ndivyo nkhuwona nadi! . . . Kufuma waka pa zuŵa ilo nkhanjilira mu selo, nkhaŵa na mwaŵi wa kuŵa na Mazgu gha Chiuta. Nkhuwonga chomene Yehova chifukwa cha kunovwira mu nthowa yapadera iyi.

Kasi mwasanga chandulo wuli na wovwiri wakufuma ku ŵabali na ŵadumbu?

Nkhuluwa yayi wovwiri uwo ŵabali na ŵadumbu ŵanipa, nakuti nkhusoŵa na cha kuyowoya wuwo. Mulenji unyake apo kukazizimanga chomene, ŵabali ŵakiza na kuzakanikhukiska chomene apo ŵamazaza ŵakanitoranga kufuma ku jele kuya nane ku khoti. Pamanyuma, apo nyengo yikaŵa 6 koloko mise, ŵakanikhozgaso chomene apo ŵamazaza ŵakanikwezganga galimoto kuweleraso nane ku jele. Kwa ine, nkhuwona kuti ichi ntchinthu chapadera chomene, ndipo vikawovwira kuchitira ukaboni.

Stepan Shevelev

Chaka cha kubabikira: 1982 (Maslyanino, Chigaŵa cha Novosibirsk)

Mbiri yake: Wakugwira ntchito yakukhwaskana na vya magesi. Wakatorana na Oksana mu 2013. Ŵakutemwa kuŵerenga na kwenda malo ghakupambanapambana

Mu 1996, amama ŵa Stepan kweniso mudumbu wake, ŵakamba kusambira Baibolo. Nangauli wose ŵaŵiri ŵakazomera yayi unenesko, Stepan nayo wakamba kusambira Baibolo ndipo wakakhorwa na ivyo Ŵakaboni ŵa Yehova ŵakasambizganga. Wakakondwa chomene kumanya umo Baibolo likusinthira umoyo wa ŵanthu. Wakabatizika mu 2001

Ivyo Wakayowoya

Kasi ndondomeko yiwemi ya kuchitira vinthu vyauzimu yamovwirani wuli imwe kweniso muwoli winu?

Tikuzirwiska chomene kusopa kwa mbumba. Vyaka vinandi kumanyuma uku, tikasankha zuŵa ilo tisoperenge, ndipo tikuzomerezga yayi kuti chilichose chititondeske kusopa kwa mbumba. Pa chifukwa ichi, lekani nili na chigomezgo chose kuti muwoli wane walutilirenge kuŵa na chipulikano chakukhora. Nkhuŵikaposo mtima kuti nikondwenge para nkhuŵazga Baibolo zuŵa lililose. Mwachiyelezgero, mu chaka chimoza nkhaŵerenga Baibolo kwamba Genizesi m’paka Chivumbuzi. Kufuma apo, nkhamba kuliŵerenga kuyana na ndondomeko ya umo vinthu vikachitikiranga. Mbwenu nkhamba kugaŵa mabuku kuyana na uyo wakalemba, ndipo nkhasinthanga kanandi waka nthowa yakaŵazgiro. Ivi vyawovwira kuti nikondwenge pakuliŵazga, ndipo fundo izo nkhuzimanya kale nkhwamba kuziwona mu nthowa yinyake.

Kasi pasono mukuŵawona wuli awo ŵakumutambuzgani?

Yehova wakunovwira kuti niŵawonenge mu nthowa yakwenelera. Kanandi ine na muwoli wane tikuŵawona ŵanthu aŵa kuti nawo ŵali nga ni munthu waliyose ndipo nawo ŵakuchita waka ntchito yawo. Nawo ŵakusangana na masuzgo ghawo ndipo ŵakukhumba kupulika uthenga wakupa chigomezgo uwo tikupharazga.

Tili na chigomezgo chose kuti Yehova walutilirenge kovwira ŵabali ŵithu ŵakutemweka awo ‘ŵakulutilira’ kupenja urunji mwakugomezgeka nangauli ŵakutambuzgika.—Ŵeruzgi 8:4.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI