Pa February 22, 2023, Mubali Aleksandr Shcherbina wali kufumiskika mu jele ku Russia mu msumba wa Rostov-on-Don. Ŵakamuŵika mu selo mazuŵa 79, ndipo ŵakamujaliraso mu jele mazuŵa ghanyake 609, mazuŵa ghose kusazga pamoza ni vyaka pafupifupi viŵiri.

Pamanyuma pakuti ŵakhala pachoko kudumura mulandu wake, Aleksandr wakayowoya umo wakakhozgekera na chiyelezgero chiwemi cha Modekayi wa mu Baibolo. Iyo wakati: “Modekayi wakachita wofi yayi na Hamani, mulwani muheni chomene. Modekayi wakawonanga kuti chinthu chakuzirwa chomene kwa iyo nkhuŵa wakugomezgeka kwa Yehova visuzge viti wuli. Para nkhughanaghanira chiyelezgero chake chiwemi ichi vyanovwira kuti nilutilire kuŵa na chikanga.”

Tili ŵakukondwa chomene na chiyelezgero chiwemi icho Aleksandr wali kulongora. Ndipo tikuwonga kuti waŵengeso lumoza na ŵabwezi ndiposo ŵabali ŵake na kulutilira kwimilira “nganganga mu chipulikano” ndipo Yehova wamutumbikenge.—1 Ŵakorinte 16:13.