Pa July 6, 2021, Mubali Aleksey Budenchuk wakafumiskika mu jele mu msumba wa Orenburg wati wamalizga kugwira vyaka ivyo wakapika. Mubali uyu njumoza mwa ŵabali 6 ŵa mu msumba wa Saratov awo ŵakajalirika mu jele mu September 2019. Pasono, ŵabali ŵatatu ŵachali mu jele mwenemumo. Mbumba ya Mubali Aleksey na ŵabwezi ŵake ŵakenda mtunda wa makilomita ghakujumpha 800 kuti ŵakamupokelere para wakufumiskika. Pasono wawelerenge ku msumba wakwake ku Saratov pamoza na mbumba yake.