AUGUST 5, 2021
RUSSIA

Mubali Anatoliy Gorbunov Wakulutilira Kuŵa Wakukondwa Chifukwa cha Kulomba Kwambura Kuleka

JULANI

Nyengo

Khoti la Oktyabr’skiy ilo lili ku Chigaŵa cha Krasnoyarsk lipelekenge chigamuro chake sonosono apa pa mulandu wa Mubali Anatoliy Gorbunov a
February 9, 2021

Khoti likwamba kutegherezga mulandu wa Anatoliy
September 15, 2020

Ŵamazaza ŵasecha kachiŵiri nyumba ya Anatoliy. Ŵamazaza aŵa ŵakapoka makiyi gha nyumba ya mubali uyu
March 25, 2020

Anatoliy wamba kupika mulandu. Wakapika mulandu wakuchitiska maungano gha gulu ilo ndakukanizgika
November 7, 2018

Nyumba ya Anatoliy ŵayisecha mulenjilenji. Ŵamazaza ŵakamupoka laputopu, tabuleti, fulashi, hard drive, na mafoni ghaŵiri. Anatoliy ŵakaluta nayo ku ofesi ya Wakufufuza Milandu kuti ŵakamufumbe mafumbo ndipo ŵakamuleka kuti walutenge pati pajumpha ora limoza

Vyakukhwaskana na munthu uyu

Anatoliy Gorbunov

Chaka cha kubabikira: 1957 (Dykanka, Ukraine)

Mbiri yake: Wakasambira sukulu ya usilikari. Wagwira ntchito ku usilikari kwa vyaka vinkhondi ku Estonia na Kazakhstan. Wakatorana na muwoli wake Galina mu 1978. Ŵali na ŵana ŵaŵiri

Wakajifumbanga usange Chiuta waliko nadi. Wati wasanga zgoro la fumbo ili kweniso ghanyake ghakuzirwa, iyo na muwoli wake Galina ŵakabatizika na kuŵa Ŵakaboni ŵa Yehova mu 1996

Ivyo Wakayowoya

Kasi mwalombanga vichi kwa Yehova pa nyengo yakusuzga iyi?

Chinthu chakusuzga chomene changuŵa chakuti tilutilire kuŵa ŵakukondwa, ntheura nalombanga pafupipafupi kuti nitonde suzgo ili. Kughanaghanirapo mazgu gha Yesu Khristu na mpositole Paulosi, agho ghakuyowoya vya uwemi wa kulutilira kuŵa wakukondwa, kwanovwira kuti niwonenge ivyo vikunichitikira mu nthowa yakwenelera.

NKhulombaso kuti Yehova wanovwire kuti nimuthembenge chomene. Kanandi nkhutemwa kughanaghanirapo mazgu gha pa Yesaya 41:10, ndipo ghakunikhozga chomene. Nkhamanya fundo yakuti ningaleka kwenjerwa chomene pekha para nkhuthemba chomene Yehova na kugomezga vyose ivyo wakutilayizga pa nkhani ya kutovwira na kutivikilira. Nkhulomba kuti wanovwire kujipulika kuti wanikora pa woko.

Apo Anatoliy na mbumba yake ŵakulutilira kuthemba Yehova mwa kulutilira kulomba kwa iyo, tili na chigomezgo chose kuti Yehova walutilirenge kuŵawovwira na kuŵakhozga kuti ŵalutilire kuŵa ŵakukondwa.—Salimo 25:1, 2.

a Ni nyengo zose yayi apo deti ilo khoti lizamupelekera chigamuro chake likumanyikwirathu.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI