NOVEMBER 9, 2022
RUSSIA
Mubali Andrey Danielyan Wapika Chilango cha Kugwira Jele Vyaka 6
Pa November 7, 2022, Khoti la Rubtsovskiy ku Chigaŵa cha Altai likati Mubali Andrey Danielyan wali na mulandu ndipo wakagwire jele vyaka 6. Nyengo yeneyiyo ŵakamutora na kukamujalira.
Nyengo
May 25, 2021
Ŵakamba kutegherezga mulandu wake pati pajumpha myezi kufuma apo ŵakamba kujambura mwakubisilizga ivyo Andrey wakayowoyanga pa foni kweniso kumuŵendaŵenda kuti ŵamanye ivyo wakuchita
May 26, 2021
Ŵakasecha nyumba yake. Andrey na muwoli wake ŵakakakika na kufumbika mafumbo. Andrey wakakanizgika kwenda kufuma mu chigaŵa icho wakakhalanga
July 13, 2022
Ŵakamupa mulandu wakuchitako milimo ya gulu ilo likuchita vinthu vyakofya
September 5, 2022
Ŵakamba kutegherezga mulandu
November 7, 2022
Wakapika chilango cha kukakhala vyaka 6 ku jele
Vyakukhwaskana na munthu uyu
Tikuwonga chomene chiyelezgero chiwemi cha Andrey kweniso cha ŵabali na ŵadumbu ŵanandi awo mbakujipeleka pakusopa Chiuta apo tose tikulutilira kulaŵiska pa ‘layizgo la umoyo uwo ukwiza.’—1 Timote 4:8.
a Mubali Danielyan tikachezga nayo pambere khoti lindadumure kuti wakagwire jele.
Panji Mungatemwa Kuŵerengaso Nkhani Izi
NKHANI
Ŵajalirika mu Jele Chifukwa cha Chipulikano Chawo—Russia
Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.