Pa July 11, 2020, ŵalaraŵalara ŵa jele la Lgov ŵakamufumiska Mubali Dennis Christensen mu selo yakuyuzgiramo ŵanthu na kukamuŵika mu jele ilo muli ŵakayidi ŵanyake wose. Mubali uyu wangukhala mu selo iyi, mazuŵa 15. Nga umo tikayowoyerapo mu nkhani yinyake kumanyuma uku, mubali uyu wakapika chilango ichi pa vifukwa vyambura kumanyikwa makora. Ndipouli, mubali withu uyu wachali wakukhora. Maloya gha Mubali Christensen ghachitenge apilu milandu iyo ŵakuti wali kupalamura mwasonosono apa, ndipo ghakugomezga kuti ivi vitimbanizgenge yayi pempho la mubali uyu lakuti ŵamufumiske mu jele pambere nyengo yake yindakwane.