Pa Monday, August 3, 2020, Khoti la mu msumba wa Pskov likagamura kuti Mubali Gennady Shpakovskiy wafumiskike mu jele. Khoti ili likazomerezga kuti Mubali uyu wali na mulandu, kweni likasintha chilango icho wakapika chakuti wakhale mu jele vyaka 6 na hafu, na kumuphalira kuti ŵamuwonelerengepo dankha usange wali na nkharo yiwemi kwa vyaka vyakuyana waka. Pati pajumpha maora ghachoko waka kufuma apo khoti likapelekera chigamuro ichi, Mubali Sphakovskiy wakafumiskika mu jele. Ndipouli, awo ŵakuwona vya malango ŵangachita apilu chigamuro ichi.